میلتیمیزین ظفری
ملی ارادهیه قارشی ائدیلن چئوریلیش گیریشیمی، ملی ارادهنین جسارتی، بصیرتی و متانتی ایله برطرف ائدیلمیشدیر.
پوسکوردولن چئوریلیش جهدیندن سونرا تورکیهنین دؤولت باشچیسی رجب طیب اردوغان اؤلکهنین بیرلیگینه، بوتؤولوگونه و قارداشلیغینا دؤزمهینلرین 15 ایییولدا دؤولتی الهکئچیرمه جهدینین سلاحلی حرکاتا چئوریلدیگینی سؤیلهیهرک حادثه گئجهسی ائتدیگی دعوته اؤلکهنین دؤرد بیر یانیندان بوتون وطنداشلارین میدانلاری کؤنوللو دولدورماسی سایهسینده فه تونون آتدیغی آددیمین پوسکوردولدوگونو وورغولادی، "بوتون وطنداشلاریمیز میدانلاری دولدوراراق "اونلارین تانکی توپو وارسا، بیزیم ده ایمانیمیز وار" دئیه قارشیلاریندا دایاندیلار. بو گنج قارداشلاریمیزین تانکلارین آلتینا یاتماسی سیرادان بیر حادثه دئییل. بو، بیر ایمانین اؤزللیکله تشویقیدیر. بونو ائتدیلر".
تورکیه بؤیوک میلت مجلسینین صدری اسماییل قهرماندا میلت اولاراق تک بدنده بیرلشهرک بو آغرینی یاشادانلارا لایق اولدوقلاری جزانی وئرمک اوچون محاکمه ائدهجکلر.
قهرمان: "بو بیر نؤع تروردور. یاشانان جهد موفقیتلی اولا بیلمهدی. دؤولت بو حادثهنین مسئوللارینین، داخلی و خاریجی اوزانتیلارینین اورتایا چیخماسینی تامین ائدهجک. بو ایشی حقوق چرچیودینده گؤرهجک"، - دئدی.
باش ناظر و عدالت و اینکیشاف پارتیاسینین صدری بینالی ییلدیریم ده دموکراتیایا صاحب چیخان تورکیه خالقینا تشکور ائدهرک دئدی: "اونلارین گؤزلرینی قان بوروموشدو. جیننت کئچیریردیلر. آنجاق بیلمدیکلری بو ایدی کی، میلتین ائوینه توخونان ال یانار. هئچ 24 ساعت کئچمهدن اللری یاندی. هئچ بیر چئوریلیش جهدی اونو ائدنلره خیر گتیرمز. بوندان سونرا دا گتیرمهیهجک. هئچ کیم بوندان سونرا میلتین ایرادهسینه ال اوزاتماغا جسارت ائده بیلمز".
ایلگیلیلی خبرلر
هاکان فیدان هلندین باش ناظیری ایله گؤروشوب
قطردهکی تماسلاریندان سونرا هلنده گئدن ناظیر فیدان لاهه شهرینده مارک روته ایله گؤروشوب