دینگیز سووی نیمه اوچون شور؟

دنیا نینگ اوچدن بیر قسمی نی تشکیل ایتیاتگن سوو لر بیلن علاقه لی بیر خصوصیت توغریسیده سوز یوریته میز بوگون.  سوو کتله سی نینگ 97,5 فایزلیک بیر بولیمی نی قمره گن اوقیانوس و دینگیز سوو لری نینگ نیمه اوچون شور ایکن لیگی حقیده بحث ایته میز باشقه چه قیلیب ایتگنده. 

سیاره میز نینگ فضا دن آلینگن عکس لری گه قره گنمیزده ماوی بیر کره کوره میز. اوشبو ماوی رنگ دنیا سطحی نینگ بویوک بیر قسمی نی قمره گن اوقیانوس لردن کیلیب چیقاقده. دنیا ایکولوژی سی و جانلی لری اوچون حیاتی اهمیت گه ایگه اوشبو سوو لرنینگ فقط گینه 2,5 فایزلیک بیر بولیمی نی انسان لر و حیوان لر نینگ ایچیشی ممکن بولگن سوو لر تشکیل ایتماقده.  قالگن قسم لری شور سوو لردن عبارت.  خوددی شوو سوو لرنینگ شورلیک میزانی ایسه منطقه لر گه کوره اوزگرماقده. 

اوقیانوس سوو لری نینگ شور بولیشی نینگ اساسی سببی, دنیا نینگ قالگن 3 دن بیری قسمی نی تشکیل ایتیاتگن قوریقلیک بولیم لریدن عبارت.  میلیونلب ییل دوامیده زلزله لر و ییمیرلیش لر بیلن پارچه لنگن قایه لر ایچیده گی منرال لر آقر سوو لر بیلن اوقیانوس لر و دینگیز لر گه انتقال ایتدیریلماقده. اوشبو منرال لر آره سیدن اینگ مهم لری ایسه سودیم و کلوراید دن عبارت.  معلوم که سودیم بیلن کلوراید نینگ بیرله شیشی نتیجه سیده توز قولگه کیریتیلماقده.

آقر سوو لرنینگ مهم خصوصیت لریدن بیری اوستیدن اوته دیگن توپراق لرنی پارچه له شی و خوددی شوو پارچه لرنی اوزی بیلن بیرگه دینگیز گه انتقال ایتدیریشی دن عبارت. ایریگن قار و موزلیق لرنینگ سوو لری بیلن ینه ده کوچلی راق بیر شکلده آقه دیگن آقر سوولر نینگ تاثیری آرتیب بارماقده.  بو ایسه ینه ده کوپراق قایه لرنینگ ایریب دینگیزگه آرتیقچه منرال لرنینگ انتقال ایتدیریلیشی معنی سی گه کیلماقده. 

میلیونلب ییل مابینیده ایریم منطقه لرده بخارلشگن سوولر توز چوللری و کوللری نینگ تشکیل بولیشی گه سبب بولماقده.  قوریقلیکده گی اوشبو توز لر هم ییر نینگ تگی گه ایمیلیب اوقیانوس لر گه ییتیب بارماقده.