قزاقستانده 40 میلیون تن گه یقین ذخیره گه ایگه پطرول کانلری تاپیلدی

قزاقستان نینگ غربیده گی اوزه ن پطرول میدانی ده 39,9 میلیون تن ذخیره گه ایگه ینگی پطرول کانلری تاپیلدی. 

ملی پطرول و طبیعی گاز شرکتی قزمونیاگاز تامانیدن بیریلگن بیاناتده, اوزه ن پطرول میدانی ده میلادی 2017- ییلدن بیری قوشیمچه بورغولش ایش لری آلیب باریلگن لیگی بیلدیریلدی. 

بیاناتده, اوشبو فعالیت لر دایره سیده پطرول میدانی ده گی 368 مترمربع لیک بیر ساحه نینگ اوچ بُعدلی جزئیاتلی پلانی نینگ تیارلنگن لیگی و بونگه کوره 39,9 میلیون تن پطرول ذخیره سی گه ایگه ینگی پطرول کان لری نینگ تاپیلگن لیگی معلوم قیلیندی. 

عینی دمده بیاناتده, اوزه ن پطرول میدانی ده تاپیلگن توپلم پطرول ذخیره سی نینگ 8 فایز گه آشگن لیگی بیلدیریلدی. 

بیاناتده, "حاضرگی کونده تاپیلگن ینگی کان لر و تولید فعالیت لری نی عملگه آشیریش مقصدی بیلن ساحه نی رواجلنتیریش پروژه سی تیارلنماقده" دییه قید ایتیلدی.