ایرته گه تورکیه ده 1915 چنق قلعه کوپریگی آچیله دی

1915 چنق قلعه کوپریگی, 18- مارچ چنق قلعه دینگیز ظفری نینگ 107 ییل لیگی بولگن ایرته گه تورکیه جمهوریتی جمهوررئیسی رجب طیب اردوغان تامانیدن آچیله دی. 

خصوصیت لری جهتی دن, "سمبول لر نینگ کوپریگی" بولگن, انجنیری نقطه نظردن ایسه "دنیا نینگ اینگ اوزون اورته آچیقلی کوپریگی" عنوانی گه ایگه 4 مینگ 608 متر اوزون لیگی ده گی 1915 چنق قلعه کوپریگی آچیلیشی آرتیدن آسیا بیلن اوروپا قطعه لری اورته سیده گی یول نی 6 دقیقه گه توشیره دی. 

چنق قلعه ولایتی نینگ لپسکی و گیلیبولو تومن لری آره سیده جایلشگن اوشبو کوپریک نینگ اساسی کیبلی ده دنیا نی تورت مراتبه ایله نه دیگن 162 مینگ کیلومترلیک سیم دن استفاده ایتیلدی. 

کوپریک نینگ 2 مینگ 23 مترلیک اورته آچیلیغی جمهوریت نینگ 100 ییل لیگی, 318 مترلیک فولاد برج لری ایسه چنق قلعه دینگیز ظفری نینگ کسب ایتیلگن میلادی 1915- ییل 18- مارچ نی کورستماقده. 

قیزیل- آق رنگ گه ایگه 334 متر اوزونلیگی بولگن برج لر تورک بیراغی دن نماینده لیک ایترایکن, پروژه گه دنیا نینگ "اینگ یوکسک برجلی آسمه کوپریگی" عنوانی نی کسب ایتتیرماقده.