تورکیه فیلیپین گه حربی تیک اوچر ساتماقده

تورکیه قوراللی کوچ لری نینگ تعرض هلیکوپتری (تیک اوچر) ضرورتی اوچون ایشلب چیقاریلگن ATAK هلیکوپتری فیلیپین گه صادر قیلینماقده. 

تیک اوچر لرنینگ فیلیپین تامانی گه تاپشیریلیشی اوچون پایتخت مانیلا ده بولیب اوتگن مراسم گه اشتراک ایتگن تورکیه جمهوریتی مدافعه صنایع سی اداره سی باشلیغی اسماعیل دیمیر, ایکّی دوست اولکه نینگ بونده ی تاریخی بیر صحنه سی گه شاهد بولگن لیگی اوچون خرسند ایکن لیگی نی بیلدیردی. 

دیمیر, ایکله اولکه اورته سیده امضالنگن مدافعه صنایع سی همکارلیک کیلیشووی بیلن اوشبو ساحه ده گی همکارلیک نینگ دولت لر ارا سویه گه کوتریلیب کیتگن لیگی نی معلوم قیلدی. 

دیمیر, "دوستلیک و اورتاق منفعت دایره سیده مدافعه صنایع سی ساحه سی بوییچه همکارلیک نی کوچه یتیریش اوچون بیر چوکات تشکیل ایتدیک.  بو هدف نی موثر بیر شکلده دوام ایتتیریش اوچون اورتاق مدافعه صنایع سی فعالیت گروپی نینگ بیرینچی ییغیلیشی نی تورکیه ده یاکه مانیلا ده بولیب اوتیشی نی طلب ایتماقده من" دییه قید ایتدی. 

فیلیپین مدافعه وزیری دلفین لورینزانا ایسه, اوشبو تیک اوچر لرنینگ اولکه سی نینگ تروریزم گه قرشی کوره شی بوییچه مهم ایکن لیگی نی بیلدیردی. 

لورینزانا, "فیلیپین هوا کوچ لری رویاسی نینگ عملگه آشگن لیگی اوچون خرسندمن لیکن اویی میزنی انیق بیزه ش اوچون ینه کوپ اورنه شیشی میز کیره ک" دییه قید ایتدی.