دنیا نینگ اینگ اوزاق جایی گه تورت ساعتده باریش ممکن بوله دی

انسان حیاتیده ترانسپورت اوزی گه خاص بیر اهمیت گه ایگه.  ترانسپورت ساحه سی کونساین رواجله نیب بارماقده. 

کیله جکده یولاوچی اوچاق لری نینگ سیز نی استانبولدن نیویوک شهری گه 2 ساعت دن آز بیر مدتده آلیب باریشی ممکن.  سوپرسونیک اوچاق لر بیلن باشله گن اوشبو فعالیت لر معلوم بیر آره دن کیین هایپرسونیک اوچاق لر بیلن ینگی دن باشله ماقده. 

سوپرسونیک اوچاق فکری میلادی 1960- ییلده پیدا بولدی و میلادی 1970- ییلدن باشلب 2003- ییل گه قدر دوام ایتدی. 

یولاوچی اوچیش لری, ایر فرانس و بریتیش ایرویز نینگ کُنکورد اوچاق لری دن فایده له نیش نی توخته تیشی بیلن میلادی 2003- ییلده اداققه ییتدی. 

سوپرسونیک اوچیش, بیر اوچاق نینگ سیس سرعتی دن تیزراق حرکت قیلیشی معنی سی گه کیلماقده.  18 مینگ 300 متر یوکسک لیکده گی اوچاق, بیر ساعتده بیر مینگ 60 کیلومتر دن آرتیق تیزلیکده حرکت قیله آله دی. 

حاضرگی کونده حقیده باش قاتیریلیاتگن هایپرسونیک اوچاق لر ایسه سیس نینگ سرعتی دن بیش قَوَت آرتیغراق بیر تیزلیکده اوچیش قابلیتی گه ایگه.  یعنی بیر ساعتده 8 مینگ کیلومتردن آرتیق تیزلیکده اوچیشی ممکن.

موجود اوچاق لر بیلن استانبول دن نیویورک شهری گه 10 ساعت و 40 دقیقه ده باریش ممکن ایکن, بو اوچاق لر بیلن ایسه 1 ساعت 40 دقیقه ده ییتیب باریش ممکن بوله دی. 

اینگ اوزاق جای گه 4 ساعتده باریش ممکن بوله دی

سوپرسونیک اوچیش لر بیلن علاقه لی فعالیت یوریتیش نی ایسته یاتگن ناسا, اوچاق شرکتی دن عبارت لاکهید مارتین بیلن همکارلیکده ایش آلیب بارماقده. 

امریکا قوشمه ایالت لری نینگ اوچاق شرکتی 'Boom Overture'  ناملی سوپرسونیک اوچاغی بیلن کُنکورد نینگ میراثی نی رواجلنتیرماقده.  شرکت نینگ مقصدی 100 دالر بیلن تورت ساعتده دنیا نینگ هر قنده ی بیر جایی گه باریش امکانیتی نی تامین ایتیب بیریش دن عبارت.  لیکن اوشبو مقصد آلدی ده جدی معما لر موجود. 

سوپرسونیک اوچاق لر بیلن سیاحت حقیده جدی ایکّی قیغو موجود؛ سیس و کیرلی لیک. 

جوده هم تیز اوچاق لر بیلن سیاحت ده استفاده ایتیله دیگن یاقیلغی مقداری نینگ آرتیب کیته دیگن لیگی باعث اوشبو وضعیت کوپ مقدارده کاربن نینگ محیط گه ترقه لیب کیتیشی گه سبب بوله دی.  مذکور اوچیش لر اوزون طبقه سی گه هم جدی ضرر ییتکزه دی.  عینی دمده حرارت درجه سی نینگ یوقاری ایکن لیگی هم اوچاق لرنینگ ساغلام لیگی جهتی دن بیر تهدید دن عبارت. 

سیس سرعتی دن تیزراق بیر شکلده سیاحت قیلیش, ییرده مامه قلتیراق سیسی کبی ایشیتیله دیگن سونیک بیر پارتلش گه سبب بوله دی. 

ناسا حاضرگی کونده کالیفرنیا ده ایکس- 59 اوچاغی نینگ سیس کنترول لری نی عملگه آشیرماقده. 

سوپرسونیک اوچاق بیرینچی مرته میلادی 2023- ییلده اوچرایکن, کوتیلگن لیگی دیک سیس سیز ایکن لیگی نی اثباتلب بیریش گه اینتیله دی.

هیچ قنده ی بیر معما نینگ پیدا بولمس لیگی تقدیرده, اوشبو اوچاق لرنینگ میلادی 2030- ییلدن آلدین اوچیش لری کوتیلماقده.