سیمیزلیک حقیده قیسقه معلومات

غذایی مواد آرقه لی آلینگن انرژی نینگ, مصرف قیلینگن انرژی دن آرتیق بولیشی تقدیرده, آرتیقچه انرژی نینگ یاغ اوله راق دیپو له نیشی سیمیزلیک دیب اته له دی. 

بیر کسللیک صفتیده قبول قیلینگن و اینگ قیسقه تشریحی وجودده یاغ نینگ بیریکیشی اوله راق بیلینگن سیمیزلیک, آلدی نینگ آلینیشی ممکن بولگن اولیم لرنینگ سگرت دن کیینگی ایکّینچی اینگ مهم سببی دن عبارت. 

جهان ساغلیق نی سقلش تشکیلاتی نینگ میلادی 2018- ییل اوروپا ساغلیق راپوری گه کوره تورکیه, اوروپا نینگ اینگ سیمیز اولکه سی اوله راق انیقلندی.  اوشبو خصوصده دنیا ده تورتینچی اورین نی ایگلله گن تورکیه ده گی هر 3 کیشی دن بیری نینگ سیمیز ایکن لیگی تخمین ایتیلماقده. 

دنیا ده تقریباً 2 میلیارد بالغ کیشی نینگ وزنی عادی وضعیت دن کوپراق و بولردن 650 میلیون نفری ایسه سیمیزلر گروپیده اورین ایگلله ماقده.  فقط گینه اوروپا نینگ اوزیده هر ییل بیر میلیون دن آرتیق کیشی نینگ اولیمی گه سبب بولگن سیمیزلیک نینگ میلادی 2025- ییلده هر 5 کیشی دن بیری ده کورینیشی کوتیلماقده. 

سبب بولگن کسللیک لر بیلن بیرگه ساغلیق بوییچه مصرف لرده هم اوزی گه خاص بیر اورین گه ایگه بولگن سیمیزلیک میزانی سونگّی 42 ییلده کمیده 10 قَوَتگه آشگن.  کونساین رواجله نیب باریاتگن تکنالوژی بیلن بیرگه فعالیت لرنینگ کمه ییشی و آوقت قیلیش عادت لری نینگ جدل روشده اوزگرگن لیگی سببلی انسان لرنینگ انرژی آلیش میزانی نینگ آرتگن لیگی سیمیزلیک نینگ اینگ مهم سبب لری آره سیده اورین ایگلله ماقده. 

متخصص لر, سیمیزلیک نینگ, یوره ک- تامیر و تنفسی سیستم کسللیک لری, یوقاری قان باسیمی, سرطان, دیابت, عضله- اسکلیت سیستمی کسللیک لری کبی کسللیک لر گه سبب بولیشی نینگ ممکن ایکن لیگی نی معلوم قیلماقده. 

تدقیقاتچی لر, سیمیزلیک نینگ اوروپا ده گی 2- تور دیابت نینگ 85 فایزی, ایسکمیک یوره ک کسللیک لری نینگ 35 فایزی و یوقاری قان باسیمی نینگ 55 فایزی نینگ سببی ایکن لیگی نی بیلدیرماقده. 

اویغون بولمه گن غذایی رژیم یاکه متخصص لردن سوره لمسدن قیلینیاتگن تمرین لر, سیمیزلیک نینگ آلدی نی آلمه گن لیگی دیک ایریم ساغلیق معما لری گه هم سبب بولماقده. 

اولکه میزده کونساین آرتیب باریاتگن سیمیزلیک نینگ تداوی سی اوچون متخصص داکتر لر, آوقت له نیش متخصصی, سایکولوژیست لر و فزیوتراپیست لرنینگ اشتراکی بیلن تیارله نه دیگن بیر پروگرام نینگ تطبیق ایتیلیشی کیره ک.