اردوغان: غرب تورکیه دن مدافعه صنایع سی بوییچه تکنالوژی ساتیب آلماقچی

تورکیه جمهوریتی جمهوررئیسی رجب طیب اردوغان, امریکا قوشمه ایالتلری داخل غرب اولکه لری نینگ تورکیه دن مدافعه صنایع سی بوییچه تکنالوژی ساتیب آلماقچی ایکن لیگی نی معلوم قیلدی. 

جمهوررئیس اردوغان, ارضروم ولایتیده یاش لر بیلن صحبت ایتدی. 

تورکیه ده ایشلب چیقاریلیاتگن موتر دن عبارت Togg نینگ تولید پروسه سی نینگ دوام ایتیاتگن لیگی نی بیلدیرگن اردوغان, "انشاءالله, بیر نیچه آی کیین Togg نی یوللرده کوره باشله یمیز" دییه قید ایتدی. 

جمهوررئیس اردوغان اوز سوز لری نی, "عینی دمده اولکه میز تاریخی نینگ اینگ کتته عسکری کیمه سی دن عبارت بوله دیگن انادولو دن کیلگوسی ییلده فایده له نه باشله یمیز.  کیلگوسی ییلده محارب اوچووچیسیز اوچاغی میز قیزیل المه نینگ تولیدی باشله یدی" شکلده دوام ایتتیردی.

دیزاین, تولید, مونتاژ, کمپیوتری سیستم لری و تست لری بوتونله ی تورکیه ده بولگن İMECE دیب اتلگن ستلایت و تورکست 6A نی فضا گه یوباره دیگن لیک لری نی معلوم قیلگن اردوغان, "شونده ی قیلیب فضا ده گی ستلایتی میز نینگ سانی 10 گه کوتریلیب کیته دی.  قاره دینگیزده تاپیلگن 540 میلیارد متر مکعب لیک طبیعی گاز دن هم میلادی 2023- ییل نینگ ایلک اوچ آییده اوی لرده فایده له نه میز" دییه قید ایتدی. 

تورکیه نینگ مدافعه صنایع سی بوییچه کتته موفقیت لر قولگه کیریتگن لیگی نی بیلدیرگن جمهوررئیس اردوغان, امریکا قوشمه ایالتلری داخل غرب اولکه لری نینگ تورکیه دن اوشبو ساحه بوییچه تکنالوژی ساتیب آلماقچی ایکن لیگی نی بیلدیررایکن, تورکیه نینگ خوددی شوو موفقیت لری نی دوام ایتتیره دیگن لیگی نی ایسله تیب اوتدی.