ایردوغان: تورکیه نینگ مدافعه صنایعیده گی یوتوغی دنیا مقیاسیده سرلوحه لرگه ایلنگن وضعیتده

تورکیه جمهورباشلیغی رجب طیب ایردوغان، تورکیه نینگ هیداوچیسیز هوا واسطه لریده گی یوتوغی نینگ دنیا مقیاسیده سرلوحه لرگه ایلنگن لیگینی ایتدی.

جمهور باشلیغی ایردوغان، پایتخت انقره ده، تورکیه علمی و تخنیک تیکشیروو باشقرمه سی (TÜBİTAK) و تورکیه علملر اکادیمیسی (TÜBA) بیلیم ساورینلری مراسمیده سوز یوروتدی.

تورکیه مدافعه صنایعی ساحه سیده گی یوتوغی گه دقت تارتگن ایردوغان جنابلری شولرنی ایتدی:

" تورکیه نینگ هیداوچیسیز هوا واسطه لریده گی یوتوغی نینگ دنیا مقیاسیده سرلوحه لرگه ایلنماقده. آتی گه قوشیقلر ایتیلگن بیراقدار ت ب2 باشله گن یولده اولاً آقینچی قوراللی درون (قوراللی هیداوچیسیز هوا واسطه سی) آرتیدن هیداوچیسیز حربی اوروش اوچاغیمیز قیزیل آلمه گه ییتیب کیلدیک" دیدی.

ایردوغان مدافعه صنایعیده گی بو یوتوقلرنینگ باشلنغیچ ایکن لیگینی معلوم قیلدی.

"توخته مه ی یولگه دوام" دیدی.

تورکیه نینگ ایندی زمانوی، ایلغار، صفت و ظرفیت جهتیدن دنیا بیلن رقابت قیلووچی بیر بیلیم و تکنالوجی سیستمی گه ایگه ایکن لیگینی قید ایتدی.

ایردوغان "تیکنو پارکلریمیزده تیکشیروو – رواجلنتیریش و لایحه لشتیریش مرکزلریمیزده اون مینگلب پروژه آلیب باریلماقده" دیب ایتدی.

جمهور باشلیغی، بیلیمدانلرنینگ فعالیتلرینی قوللب – قوتلش گه دوام ایته جکلرینی بیلدیردی.