قزاقستان تورکیه دن زرهی واسطه و اوچووچیسیز اوچاق ساتیب آلماقچی

قزاقستان قوراللی کوچ لری چوکاتیده قوریلگن خاص کوچ لر قوماندان لیگی اوچون تورک شرکت لری تامانیدن ایشلب چیقاریلگن زرهی واسطه ساتیب آلینیشی باره سیده بحث ایتیلماقده. 

قزاقستان مدافعه وزیری نینگ اورینباسری سلطان کمال الدینوف, پایتخت آستانه ده ترتیب له مطبوعاتی کنفرانسیده اردو ده گی اصلاحات لر حقیده معلومات بیردی. 

کمال الدینوف, جنوری آییده جمهوررئیس قاسم جومرت توکایف نینگ تقنینی فرمانی گه بناً قزاقستان قوراللی کوچ لری چوکاتیده خاص کوچ لر قوماندانلیگی نینگ قوریلگن لیگی, اوشبو دایره ده ایشله یدیگن عسکر لرگه تعلیم بیریلگن لیگی و قورال و تجهیزات بیلن تامین له نیشی بوییچه فعالیت لر یوریتیلیاتگن لیگی نی ایسله تیب اوتدی. 

اوشبو دایره ده تورک شرکت لری تامانیدن ایشلب چیقاریلگن زرهی واسطه لرنینگ ساتیب آلینیشی باره سیده باش قاتیریلیاتگن لیگی نی معلوم قیلگن کمال الدینوف, "تورک شرکت لری تامانیدن ایشلب چیقاریلگن زرهی واسطه لر بیلن علاقه لی حجت لر قولی میزده بار.  بیر نیچه اولکه تامانیدن ساتیب آلینگن. شوباعث قوراللی توقنه شوو لرده تست ایتیلگن" دییه قید ایتدی. 

قزاقستان اردوسی ده اسرائیل و چین ده ایشلب چیقاریلگن اوچووچیسیز اوچاق لرنینگ هم موجود ایکن لیگی نی بیلدیرگن کمال الدینوف, اوز سوز لری نی, "ایندی ایسه اوز حدود لری میزده تولید ایتیله دیگن تورکیه نینگ اوچووچیسیز اوچاق لری نی ساتیب آلیش نی ریجه ماقده میز" شکلیده دوام ایتدیردی.