امریکا نینگ ایندیا ایالتیده تیک تاک ممنوع قیلیندی

امریکا قوشمه ایالتلری نینگ ایندیانا ایالتیده, رسمی ایشلرده استفاده ایتیله دیگن جهاز لرده چین تکنالوژی شرکتی گه عاید تیک تاک اپلیکیشنی ممنوع قیلیندی.

تیک تاک نینگ ممنوع قیلینگن لیگی نی ایندیانا تکنالوژی اداره سی سوزچیسی گریگ لوبسن بیلدیردی.

سوزچی, ایالت سیستم لری نینگ اوزلوکسیز کنترول قیلینیاتگن لیگی و ایالت گه عاید جهاز لرده تیک تاک نینگ توسیق لنگن لیگی نی معلوم قیلدی. 

امریکا قوشمه ایالتلری نماینده لر مجلسی هم اعضا لری و ایشلاوچی لری نینگ رسمی ایشلرده فایده له نه دیگن جهاز لرده تیک تاک دن استفاده ایتیشی نی ممنوع قیلگن ایدی. 

فدرال تیکشیرو اداره سی (اف بی آی) باشلیغی کریس رای, تیک تاک نینگ کنترولی نینگ چین حکومتی نینگ قولیده ایکن لیگی نی معلوم قیلرایکن, بونینگ امریکا قوشمه ایالتلری جهتی دن ملی خوفسیزلیک قیغوسی گه سبب بولیاتگن لیگی نی بیلدیرگن ایدی. 

تیک تاک ایش لری مسئولی وانیسا پاپاس ایسه سپتامبر آییده امریکا قوشمه ایالتلری سناسیده اشتراک قیلگن بیر ییغیلیشده چین حکومتی نینگ اوشبو اپلیکیشن نینگ معلومات لری نی قولگه کیریتیشی نینگ هیچ بیر شکلده ممکن ایمس لیگی نی معلوم قیلگن ایدی.