انترنت معتادلیگی و ییچیم یوللری

استانبول ساغلیق بیلیم لری عالی بیلیم یورتی نینگ استادی پروفیسر داکتر اوز آلپ ایکینجی اوشبو حقده گپیریب بیردی

ترتیبسیز میه سندرومی نیمه دیگنی اوزی؟

استانبول ساغلیق بیلیم لری عالی بیلیم یورتی نینگ استادی پروفیسر داکتر اوز آلپ ایکینجی, عصری میز نینگ کسل لیگی دن عبارت بولگن ترتیبسیز میه سندرومی نی, میلادی 1990- ییلی نینگ سونگّی  بیلن 2000- ییلی نینگ باشیدن اعتباراً انسان لرنینگ دیجیتال تکنالوژی گه باغلیق بولیب قالیشی نینگ نتیجه سی ایکن لیگی نی بیلدیرماقده. 

دنیا ده انسان لر قنده ی قیلیب اوشبو عصر نینگ خوددی شوو کسللیگی نی یوقتیریب آلدی؟

باسقیچ مه باسقیچ پیدا بولگن تکنالوژیک امکانیت لر, حقیقی حیاتی میزده گی نرسه لر دن ینه ده قیزیقرلی راق نرسه لر گه ایله نیب قالدی و خوددی شوو وضعیت نینگ اوزی ایسه انسان لرنینگ تکنالوژیک جهاز لر گه باغلیق بولیب قالیشی اوچون امکانیت تامین ایتیب بیردی.

سونگّی 20 ییل مابینیده روانی طب ساحه سی متخصص لری, تکنالوژی و اسکرینی بولگن جهاز لرنینگ انسان میه سیده معتادلیک مرکزی نی حرکت ایتدیرگن لیگی نی کوزه تدی.  آلیب باریلگن تدقیقات لر گه کوره, تکنالوژیک جهاز لردن فایده له نیاتگن و ایندی اونی ترک ایته آلمه یاتگن باله لر و کتته لر نینگ میه سیده گی معتادلیک مرکزی, جداً تاثیرلنماقده. 

تکنالوژی معتادلیگی بیر کسللیک دن عبارت می؟

کلینیک واقعه لر بولیمی گه, بیر کیشی نی یالغوزلشتیریب دیپریشن گه سبب بوله آله دیگن "انترنت معتادلیگی" هم قوشیمچه قیلیندی.  اوشبو وضعیت ایسه تکنالوژی معتادلیگی نینگ انیقله نیشی نینگ ممکن ایکن لیگی نی کورستماقده. 

ترتیبسیز میه سندرومی نینگ علایمی نیمه لردن عبارت بولیشی ممکن؟

علایمی اوزاق بیر مدت اسکرین گه قره ب قالیش, باله لر و کتته لرده سورونکه لی چرچش حالت لری, تیگره گیده گی نرسه لرنی دقت بیلن کوزه ته آلمس لیک و انترنت دنیا سی بیلن حقیقی دنیا اورته سیده علاقه قوریش بوییچه قیین چیلیک لردن عبارت. 

دیجیتال اسکرین لر نینگ باله لرده اوتیسم بوییچه تورتکی بولیشی ممکن می؟

بیرینچی دن شونی ایتیب اوتیش کیره ک که, باله نینگ دیجیتال موفقیتی کیینگی حیاتی ده اونینگ اوشبو ساحه بوییچه یوتوقلی بوله دیگن لیگی نی کورستمه یدی.

تیل اورگه نیاتگن بیر پیتده, فعال بیر شکلده گپیریش اورنیگه دیجیتال اسکرین لر بیلن مشغول بولگن باله لرده گپیریش بوییچه قیین چیلیک لر گه سبب بوله دیگن لیگی دیک, اوشبو وضعیت نینگ اوتیسم گه تمایلی بولگن لر گه هم تاثیر قالدیریشی ممکن. 

دیجیتال میه گه قرشی آته- آنه لر نینگ نیمه قیلیشی کیره ک؟

بیرینچی اساسی قاعده: دستلبکی کونلردن باشلب انیق بیر شکلده قرار قیلیش کیره ک. عایله ده قیلینگن قرار گه همه نینگ بویسینیشی شرط. مثال قیلیب آلگنده ساعت 8 ده همه نینگ تلفن لری نی یاپیب قوییب کتاب اوقیشی کبی. 

دستلبکی 4 یاش گه قدر باله گه هیچ قچان تکنالوژیک جهاز لرنینگ بیریلمس لیگی کیره ک. 

تورت الی 5 یاش گه قدر یریم ساعت یاکه 45 دقیقه اجازت بیریلیشی ممکن.

 6- 7 یاشده 45 دقیقه یاکه بیر ساعت

و بلوغ چاغی گه قدر ایسه کونده 1 الی بیر یریم ساعت و هفته نینگ سونگّیده 2 الی ایکّی یریم ساعت کبی ستندرت بیر حد نینگ انیقله نیشی کیره ک.

ایکّینچی اساسی قاعده: تکنالوژیک جهاز لر اورنیگه بیر الترناتیف تامینلب بیریش

مثال قیلیب آلگنده کیشی نینگ سپورت ساحه لری بوییچه شغلله نیشی تکنالوژی معتادلیگی لذتی نینگ اورنی نی آله دیگن بیر الترناتیف بوله آلیشی ممکن. 

انترنت معتادلیگی دن قنده ی قیلیب نجات تاپیش ممکن؟

عایله فرد لری نینگ همه سی نینگ انیق بیر وقت نینگ اوزی ده تلفن لری و برچه اسکرین لرنی پاپیب قوییب بیرگه لیکده وقت اوتکزیشی انترنت معتادلیگی دن نجات تاپیش اوچون یخشی بیر یول بولیشی ممکن.  معلوم بیر مدت کیین عایله فرد لری بیرگه لیکده وقت اوتکزیش گه عادت قیلیب انترنت معتادلیگی دن اوزاقلشگن بوله دی.