تورکیه ده ایشلب چیقاریلگن برقی موتر دن آلماقچی بولگن کیشیلر سانی قیرق مینگ نفر دن آشدی

تورکیه نینگ برقی موتری دن عبارت Togg ساتیب آلماقچی بولگن کیشی لر سانی 41 مینگ نفر گه ییتدی. 

تورکیه جمهوریتی صنایع و تکنالوژی وزیری مصطفی وارانک اوشبو توغریده اجتماعی ترماق آرقه لی بیانات بیردی. 

وارانک, Togg T10X ساتیب آلماقچی بولگن کیشیلر سانی نینگ 41 مینگ نفر گه ییتگن لیگینی بیلدیردی. 

دستلبکی 24 ساعتده 22 مینگ 150 کیشی نینگ Togg T10X ساتیب آلیش اوچون مراجعه قیلگن لیگی بیلدیریلگن ایدی. 

اجتماعی ترماق آرقه لی Togg  تامانیدن بیریلگن بیاناتده, ساتیب آلینه دیگن موتر لرنینگ جاری آی نینگ سونگیده ایگه لری گه تاپشیریله باشله نه دیگن لیگی معلوم قیلینگن ایدی. 

Togg T10X ساتیب آلیش اوچون 16- و 27- مارچ آره سیده, togg.com.tr و Trumore آرقه لی مراجعه قیلیش ممکن.