جاپان نینگ تورکیه دن اوچووچیسیز اوچاق ساتیب آلیشی کوتیلماقده

تورکیه ده ایشلب چیقریلگن اوچووچیسیز اوچاق لرگه طلب کونساین آشیب بارماقده. 

تکنالوژی ساحه سی بوییچه اینگ مهم اولکه لردن بیری بولگن جاپان نینگ هم, تورکیه نینگ "بیرقدار تی بی 2" اوچووچیسیز اوچاغی نی تست ایته دیگن لیگی معلوم قیلیندی. 

جاپان مطبوعاتیده باسیلب چیققن خبرلر گه کوره, "بیرقدار تی بی 2" نینگ قاره باغ و اوکراین اوروش لریده گی موفقیتی آرتیدن, جاپان اردوسی نینگ اوشبو ساحه بوییچه ترجیح لستی گه کیرگن لیگی بیلدیریلدی. 

خبرلرده, جاپان مدافعه وزیرلیگی نینگ 2023- ییل مالی بودیجه سی دایره سیده, "بیرقدار تی بی 2" دن امتحان اوچون فایده له نه دیگن لیگی و جاپان پیاده کوچ لری نینگ اوشبو اوچاق نی تست ایته دیگن لیگی معلوم قیلیندی. 

تست لرنینگ موفقیتلی بولیب اوتیشی تقدیرده, جاپان نینگ اوشبو اوچاق لردن ساتیب آلیش اوچون کوپ مقدارده بویورتمه بیریشی و خوددی شوو اوچاق لرنی ایشلب چیقاریاتگن بایکار شرکتی بیلن همکارلیک قیلیشی کوتیلماقده. 

جاپان نینگ انقره ایلچیسی سوزوکی کازوهیرو هم 1- اپریل کونی بایکار شرکتی نی باریب کوریب رهبرلیک کینگشی باشلیغی سلجوق بیرقدار بیلن اوچره شگن ایدی.