تورکیه نینگ اینگ کتته حربی کیمه سی دینگیز کوچلری گه تاپشیریلدی

دنیا نینگ ایلک قوراللی اوچووچیسیز اوچاق کیمه سی و تورکیه نینگ اینگ کتته عسکری کیمه سی دن عبارت بولگن تی سی جی انادولو تورکیه دینگیز کوچلری گه تاپشیریلدی. 

اوشبو کیمه تورکیه جمهوریتی جمهوررئیسی رجب طیب اردوغان نینگ اشتراکی بیلن استانبولده بولیب اوتگن بیر مراسم آرقه لی تورکیه دینگیز کوچلری قوماندانلیگی گه تاپشیریلدی. 

جمهوررئیس اردوغان قیلگن صحبتیده, "بو کیمه نی (تی سی جی انادولو) تورکیه عصریده منطقه سیده رهبر و دنیا ده سوز ایگه سی اولکه موقفی میز نی مستحکم لشتیره دیگن بیر سمبول اوله راق بهالنتیرماقده میز" دییه قید ایتدی. 

اردوغان, اوز سوز لرینی, "تی سی جی انادولو نی استانبول نینگ سیرکه جی منطقه سی گه آلیب باریب قویه میز.  خلقی میز نینگ کیمه میز نی کوریشی اوچون شرایط تامین ایتیب بیره میز.  خلقی میز نینگ کیمه میز نی کوریشی نی و بیرگه لیکده خوش بولیشی میز نی خواهله یمیز" شکلیده دوام ایتدیردی. 

دنیا ده فقط گینه 12 اولکه ده بونگه اوخشش کیمه موجود. 

تی سی جی انادولو, اوستی گه قوراللی اوچووچیسیز اوچاق لرنینگ قونیب- اوچه دیگن دنیا نینگ "ایلک قوراللی اوچووچیسیز اوچاق کیمه سی" دن عبارت بوله دی. بونینگ اوچون تورکیه نینگ بایکار شرکتی تامانیدن قناتلری قاتله نه آله دیگن بیرقدار تی بی 3 قوراللی اوچووچیسیز اوچاقلر ایشلب چیقریش بوییچه فعالیت لر دوام ایتماقده. 

اوشبو کیمه ده گی قورال سیستملری, اوروش نی باشقریش سیستمی, الکترونیک حرب سیستم لری, قیدیرو و کوزه توو سیستمی, الکترونیک- اوپتیک قیدیرو سیستمی, لایزری آگاهلنتیریش سیستمی, رادارلر, مخابره سیستمی, سیر سیستم لری و معلومات ترقه تیش سیستم لری تورکیه نینگ اوزیده تولید ایتیلدی. 

کیره ک بولگن تقدیرده, اوشبو کیمه دن طبیعی آفتلرده هم استفاده ایتیش ممکن.  باشقه چه قیلیب ایتگنده ایچیده بیر کسلخانه و عملیاتخانه نینگ بار ایکن لیگی سببلی خوددی شوو کیمه دن طبیعی آفت یاردمی, بشری یاردم و مهاجرلرنی انتقال ایتدیریش بوییچه طبی جهت دن هم استفاده ایتیش امکانیتی موجود. 

231 متر اوزونلیک و 32 متر کینگیشلیککه ایگه تی سی جی انادولو نینگ بیر بولیمی گه 10 هلیکوپتر یاکه 11 قوراللی اوچووچیسیز اوچاق نینگ قونیشی ممکن.  هنگرده ایسه 19 هلیکوپتر یاکه 30 قوراللی اوچووچیسیز اوچاق نی انتقال ایتدیریش امکانیتی موجود.  خوددی شوو کیمه ده 1223 نفر پرسونل ایشله یدی. 

اوشبو کیمه 27 مینگ 436 تن یوک تشیش قابلیتی گه ایگه. 

تی سی جی انادولو کیمه سی نینگ ایچیده گی سوو اوتکزه آله دیگن حوض گه هر بیری 1 تانک تاشیدیگن 4 کیمه کیره آله دی. 

تی سی جی انادولو کیمه سی توپلم 94 (13 تانک, 27 زرهی واسطه, 6 زرهی پرسونل تشووچی, 33 مختلف واسطه, 15 تریلر) واسطه نی تشیش امکانیتی گه ایگه.