جمهوررئیس اردوغان تورکیه ده ایشلب چیقریلگن تانک حقیده گپیردی

تورکیه جمهوریتی جمهوررئیسی رجب طیب اردوغان, اردو تامانیدن تست لری تکمیل بولگچ آلتای تانک لری نینگ تولیدی نینگ باشله یدیگن لیگینی بیلدیردی. 

اردوغان, ساکاریا ده ینگی آلتای تانکی نینگ تاپشیریلیشی بوییچه مراسمده معروضه قیلدی. 

هدف نینگ انیق ایرکین مدافعه صنایع سی دن عبارت ایکن لیگینی بیلدیرگن اردوغان, مدافعه صنایع سی پروژه لری بودجه سی نینگ 75 میلیارد دالر گه ییتگن لیگینی معلوم قیلدی. 

جمهوررئیس اردوغان, تورک اردوسی تامانیدن استفاده ایتیلیاتگن نظامی امکانیت لرنینگ همه سی نی تورکیه نینگ اوزیده ایشلب چیقریش اوچون اوزاق ییللر دن بیری سعی و حرکت قیلیب کیلیاتگن لیکلرینی بیلدیردی.

کوپلب عسکری واسطه لرنی تورکیه ده ایشلب چیقریش گه موفق بولگن لیکلرینی معلوم قیلگن اردوغان, "ینه فیرتینا دیب ناملنگن توپ لردن فرقلی حساس قوراللی و محارب واسطه لرنی هم اردو میز گه تاپشیردیک.  عینی دمده اردومیز نینگ قولیده گی تانک و زرهی محاربوی واسطه لرنی ینگی تکنالوژی لر بیلن ماس لشتیردیک و حاضر هم مدرن لشتیرماقده میز" دییه قید ایتدی. 

اردوغان, کوپلب اولکه لرنینگ اردو لری نینگ تورکیه دن حربی محصولات ساتیب آلیاتگن لیگینی بیلدیردی. 

جمهوررئیس اردوغان, "ینگی آلتای تانکی میز نینگ منطقه ده تورکیه قوراللی کوچلری نینگ کوچی نی آرتیره دیگن لیگی گه ایشانماقده من" دییه قید ایتدی. 

اردوغان, اجتماعی ترماق آرقه لی بیرگن بیاناتیده قوییده گی سوز لر گه اورین اجره تدی: "چرچه مسدن ایشله دیک و موفق بولدیک.  منه ینگی آلتای تانکی میز".