تورک اوقووچیلر خلق ارا بیلیم مسابقه سیده ساورین گه سزاوار دیب تاپیلدی

تورک اوقووچیلر, خلق ارا انتل بیلیم و انجنیرلیک مسابقه سیده ساورین گه سزاوار دیب تاپیلدی. 

تورکیه علمی و تکنالوژیک تدقیقاتلر اداره سی (توبیتاک) تامانیدن بیریلگن بیاناتده, امریکا قوشمه ایالتلری نینگ دالاس شهریده بولیب اوتگن مسابقه گه 64 اولکه دن 1304 پروژه نینگ ایگه سی 1638 نفر اوقووچی نینگ اشتراک قیلگن لیگی بیلدیریلدی.  

توبیتاک حمایه سیده گی 3 پروژه نینگ ایگه سی تورک اوقووچیلر مسابقه نینگ اوچ کتته ساورینی و 3 پروژه سی بولگن تورک اوقووچیلر ایسه خاص ساورین گه سزاوار دیب تاپیلدی. 

تورکیه نینگ غازی انتیپ ولایتیدن سوده ناز گلشن و ایکین آسیالی, هم کیمیا ساحه سیده مسابقه نینگ بیرینچیسی بولرایکن, همده Sigma Xi خاص ساورینی گه ایگه بولدی.

حیاتی کیمیا ساحه سیده گی مسابقه ده تورکیه نینگ بالیکسیر ولایتیدن آزرا دیمیرقپیلر بیلن اصلی ایجه ییلماز اوچینچی اوریننی ایگلله دی. 

رباتیک و عقللی ماشین لر ساحه سی بوییچه ایسه اوچینچی اوریننی ایگلله گن استانبولدن ایره م دوره ن, ابراهیم اوتقو درمان و کرم اسلان انتل بیلیم و انجنیرلیک مسابقه سی نینگ بویوک ساورینی گه سزاوار دیب تاپیلدی. 

کوجه ایلی دن احمد قاآن آلتایلی ایسه King Fahd University of Petroleum and Minerals نینگ خاص ساورینی گه ایگه بولدی. 

توبیتاک خاص ساورینی گه تورکیه نینگ ازمیر ولایتیدن آردا یشیل یورت بیلن سیلین ییلماز سزاوار دیب تاپیلدی. 

تورکیه جمهوریتی جمهوررئیسی رجب طیب اردوغان, اجتماعی ترماق آرقه لی بیرگن بیاناتیده, خلق ارا انتل بیلیم و انجنیرلیک مسابقه سیده ساورین گه سزاوار دیب تاپیلگن یاشلر گه تبریک بیلدیردی.