امریکا: ایران نینگ بالستیک راکت ایشلب چیقرگن لیگی بیر تهدید دن عبارت

امریکا قوشمه ایالتلری, ایران نینگ 2 مینگ کیلومتر منزل گه ایگه بالستیک راکت نی تست قیلگن لیگی گه قرشی عکس العمل کورستدی. 

امریکا تشقی ایشلر وزیرلیگی سوزچیسی مات میللت, ایران نینگ اورته منزللی بالستیک راکت نی سیناودن اوتکزگن لیگینی بیلگن لیکلرینی معلوم قیلرایکن, "ایران نینگ بالستیک راکت ایشلب چیقریشی و ترقه تیشی منطقه و خلق ارا مقیاسده امنیتی بیر تهدید دن عبارت" دییه قید ایتدی. 

میللت, ایران نینگ بالستیک راکت برنامه سی نینگ ینه ده آلغه کیتیشی, راکت لر و تکنالوژی لری نی باشقه اولکه لر گه ترقه تیشی نینگ آلدینی آلیش اوچون تحریم لر داخل فرقلی تدبیر لر آلیش گه دوام ایتیاتگن لیکلرینی بیلدیررایکن, اوز سوز لرینی قوییده گیچه دوام ایتدیردی:

"بیرلشگن ملتلر تشکیلاتی خوفسیزلیک کینگشی نینگ 2231 سانلی قراری دایره سیده ایران نینگ راکت برنامه سی بیلن علاقه لی فعالیت لری گه تیگیشلی چیکلاولر گه قره مسدن, ایران چیت ایللردن فرقلی راکت تکنالوژی لری قولگه کیریتیش و قرار نینگ حکم لری گه ضد بیر شکلده بالستیک راکت مرکز لری قوریش گه دوام ایتماقده.  آلدین هم ایتیب اوتگن لیگی میز دیک هسته ای قورال گه ایگه بیر ایران نینگ احتمالاً تحریک ایتووچی بیر حرکت قیلیشی ممکن.  شوباعث ایران نینگ هسته ای قورال ایگه سی بولیشی نینگ آلدینی نی آلیش توغریسیده بو درجه قرارلی میز."

ایرنا خبر آژانسی, خیبر (خرم شهر- 4) آتلیق اورته منزللی بالستیک راکت نینگ, پایتخت تهران ده یوقاری مرتبه لی حربی مسئول لر نینگ اشتراکی بیلن بولیب اوتگن بیر مراسم آرقه لی تانیتیلگن لیگینی بیلدیرگن ایدی. 

خوددی شوو بالیستیک راکت نینگ 2 مینگ کیلومترلیک بیر مسافه نی اوره آله دیگن لیگی معلوم قیلینگن ایدی.

دولت تلویزیونی آرقه لی, راکت نینگ آتیلگن لیگی و کیین ایسه هدف نی اورگن لیگی بیلن علاقه لی تصویر لر گه اورین اجره تیلگن ایدی.