جنوبی کوریاده بیر ربات آرکستر نی باشقره دی

جنوبی کوریا پایتختی سئولده بولیب اوته دیگن کنسرت نی EveR 6 دیب ناملنگن بیر ربات باشقره دی. 

یونهاپ خبر آژانسی نینگ بیرگن خبریده, کوریا ملی آرکستری نینگ 30- جون کونی سئولده بیره دیگن کنسرتده کوریا صنایع تکنالوژی انستیتوتی نینگ محصولی بولگن بیر ربات نینگ آرکستر نی باشقره دیگن لیگی بیلدیریلدی. 

خوددی شوو کنسرت نی باشقره دیگن اوشبو ربات نینگ شکلی ایسه انسان گه اوخشه ماقده. 

عینی دمده ربات بوینی و قولینی قیمیرده تیش قابلیتی گه ایگه. 

ربات و آرکستر باشلیغی چوی سوو- یول کنسرتده علیحده هنر لری نی کورسه تیب بیررایکن, کیین ایسه ایکّی باشقروچی بیرلیکده کنسرت نی باشقره دی. 

اوشبو ربات نینگ خوددی شوو کنسرتده کورسه ته دیگن هنری جنوبی کوریا ده بیرینچی مرتبه بولگن بیر ایشدن عبارت بوله دی. 

ربات لر آلدین هم جاپان و سویسده آرکستر نی باشقرگن ایدی.