تورک اوقووچیلر خلق ارا ریاضی المپیادیده آلتین مدال کسب ایتدی

تورک اوقووچی لر, جاپان و بیرلشگن عرب امیرلیکلریده بولیب اوتگن خلق ارا ریاضی و بیولوژی المپیاد لریده 1 آلتین 8 کومیش و 1 برونز مدال کسب ایتیش گه موفق بولدی.

تورکیه جمهوریتی صنایع و تکنالوژی وزیرلیگی تامانیدن بیریلگن بیاناتده, جاپان نینگ چیبا شهریده بولیب اوتگن و 112 اولکه دن 623 اوقووچی نینگ اشتراک قیلگن 64- خلق ارا ریاضی المپیادی ده تورکیه دن نماینده لیک قیلگن محمد جان باش تیمیر نینگ آلتین, باریش قویونجو, شوکت اونور ییلماز, ملک گونگور, سردار بوزداغ بیلن هاکان گوندوغان نینگ ایسه کومیش مدال کسب ایتگن لیکلری بیلدیریلدی. 

بیرلشگن عرب امیرلیک لری نینگ العین شهریده بولیب اوتگن, 80 اولکه دن 320 اوقووچی نینگ اشتراک قیلگن 34- خلق ارا بیولوژی المپیادی ده تورکیه دن خلیل اره ن اویار, اردم یامالی اوغلی, تولغه تابانلی کومیش و کرم آیدین ایسه برونز مدال کسب ایتدی. 

بیاناتده, فکر لری گه اورین اجره تیلگن صنایع و تکنالوژی وزیری فاتح قاجیر, تورک اوقووچی لرنینگ خلق ارا ریاضی المپیادیده تاریخی بیر موفقیت قولگه کیریتیب 112 اولکه ایچیده تورکیه گه 8- اورین نی کسب ایتدیرگن لیک لرینی معلوم قیلدی. 

قاجیر, "شونده ی قیلیب ریاضیده المپیاد تاریخی میزده گی اینگ یخشی موفقیتی میز نی کسب ایتدیک" دییه قید ایتدی. 

قاجیر, المپیاد لرده اشتراک قیلیب تورکیه نینگ فخری بولگن اوقووچی لر, عایله لری, اوقیتووچی لری و محنت قیلگن همه گه تبریک بیلدیررایکن, موفقیت لری نینگ دوام ایتیشی نی تیلب قالدی.