روسیه قیرق ییتتی ییل کیین آیگه فضایی واسطه یوباردی

روسیه, سوو منبع سی قیدیریش اوچون میلادی 1976- ییلدن بیری ایلک مراتبه آیگه آی گه فضایی واسطه یوباردی. 

روسیه فدرال فضا آژانسی (روسکاسموس), پایتخت مسکو نینگ 5 مینگ 500 کیلومتر شرقیده گی ووستوچنی فضا مرکزی دن لونا- 25 فضایی واسطه سی نی تشووچی سویوز 2.1 وی راکتی نی اوچیردی.

لونا- 25, موفقیتلی بولیب اوتگن اوچیریش آرتیدن اوچیش مداری گه باریب جایله شرایکن, فضایی واسطه نینگ 21- آگست کونی آی نینگ جنوب قطبی گه باریب قونیشی ریجه لنماقده. 

آیده تقریباً بیر ییللیک بیر مدت بیلن تدقیقات آلیب باره دیگن لونا- 25, سوو منبعی قیدیریش دن تشقری, فضاده گی نور لر و الکترومقناطیسی انتشار لرنینگ آی گه قالدیره دیگن تاثیری نی هم تیکشیریب چیقه دی.

روسکاسموس باشلیغی یوری بوریسوف, لونا- 25 نینگ تینچلیک سیور لر مقصد لر بیلن آی گه یوباریلگن لیگینی معلوم قیلرایکن, میلادی 2027, 2028 و 2030- ییلده هم آیگه فضایی واسطه یوباریش نی ریجه له یاتگن لیکلرینی ایسله تیب اوتدی.