روسیه نینگ فضایی واسطه سی نینگ علمی ایشلری باشله دی

روسیه نینگ, سوو منبع سی قیدیریش اوچون میلادی 1976- ییلدن بیری ایلک مراتبه آیگه یوبارگن (لونا- 25) فضایی واسطه سی ایچیده گی علمی واسطه لرنینگ فعالیت گه باشله گن لیگی و دستلبکی معلومات لرنی یوباره باشله گن لیگی بیلدیریلدی.    

روسیه فدرال فضا آژانسی (روسکاسموس), اوشبو اولکه نینگ میلادی 1976- ییلدن بیری ایلک مراتبه آیگه یوبارگن فضایی واسطه سی لونا- 25 نینگ فعالیت لری بیلن علاقه لی معلومات بیردی. 

لونا- 25 نینگ دنیا نینگ طبیعی ستلایتی آیگه اوچیشی نی دوام ایتدیره یاتگن لیگی بیلدیریلگن بیاناتده, فضایی واسطه ده گی برچه سیستم لرنینگ نورمال بیر شکلده ایشله یاتگن لیگی معلوم قیلیندی. 

فضایی واسطه ده گی علمی واسطه لرنینگ فعالیت گه باشله گن لیگی معلوم قیلینگن بیاناتده, قولگه کیریتیلگن دستلبکی معلومات لر دن فایده له نیله باشلنگن لیگی بیلدیریلدی. 

لونا-25 11- آگست کونی پایتخت مسکو نینگ 5 مینگ 500 کیلومتر شرقیده گی ووستوچنی فضا مرکزی دن سویوز 2.1 وی راکتی بیلن اوچیریلگن ایدی.

آیده تقریباً بیر ییللیک بیر مدت بیلن تدقیقات آلیب باره دیگن لونا- 25, سوو منبعی قیدیریش دن تشقری, فضاده گی نور لر و الکترومقناطیسی انتشار لرنینگ آی گه قالدیره دیگن تاثیری نی هم تیکشیریب چیقه دی.

روسکاسموس باشلیغی یوری بوریسوف, لونا- 25 نینگ تینچلیک سیور مقصد لر بیلن آی گه یوباریلگن لیگینی معلوم قیلرایکن, میلادی 2027, 2028 و 2030- ییلده هم آیگه فضایی واسطه یوباریش نی ریجه له یاتگن لیکلرینی ایسله تیب اوتگن ایدی.