تورک عالم لر فضاده اوسیملیک ییتیشتیره دی

تورکیه نینگ ایلک انسانلی فضا وظیفه سیده, فضا ده اوسیملیک لرنینگ ژنتیکی گه مداخله قیلینه دی.

فضا یولاوچیسی, عالی بیلیم یورت لری و تدقیقات مرکز لری تامانیدن تیارلنگن 13 فرقلی تجربه نی عملگه آشیره دی. 

تجربه لردن بیری "مایکرو ییر جاذبه سیده اوسیملیک لرده کریسپر (CRISPR) ژن تنظیمی ثمره دارلیگی نینگ تیکشیریلیشی" دن عبارت بوله دی.

اوشبو پروژه بیلن مالکیولر بیولوژی نینگ مدرن ژن تنظیم تخنیک لریدن بیری بولگن کریسپر تخنیکی نینگ مایکرو ییر جاذبه سی شرایطیده اوسیملیک لرده گی تاثیری نینگ تیکشیریلیشی, ژن علاوه سی و ژنیتیک مداخله نینگ فضاده قیلینیشی نینگ ممکن ایکن لیگی یاکه ایمس لیگی نینگ تست ایتیلیشی هدف قیلیب آلینماقده. 

لابراتوارده گی تجربه لری جاری ییل مارچ آییده باشله گن پروژه نینگ کیینگی باسقیچیده, ایلک فضا یولاوچیسی بیلن ییر جاذبه سی بولمه گن بیر شرایطده تجربه لری عملگه آشیریله دی. 

پروژه نینگ آلیب باروچیسی و ییلدیز تخنیک عالی بیلیم یورتی ساینس فاکولته سی مالکیولر بیولوژی و ژنیتیک بولیمی دوکتورا اوقووچیسی توغچه جلایر, "اوشبو تدقیقات دن سونگ کیله جکده غذا منبعی بوله آله دیگن اوسیملیک لرنینگ, مصنوعی ایکوسیستم تشکیل ایتیلیشی و بو ایکوسیستم ایچیده آکسیجن منبعی تامین ایتیلیشی اوچون استفاده ایتیلیشی ممکن" دییه قید ایتدی. 

تورکیه نینگ ایلک انسانلی فضایی یولاوچی لیگی نینگ جاری ییل نینگ سونگّی اوچ آییده بولیشی ریجه لنماقده.