آی گه چیقیش فعالیت لری توغریسیده قیسقه معلومات

آی, کوکده گی اینگ یقین قوشنی میز ایکن لیگی باعث, دنیا اولکه لری نینگ کوپلب فضایی فعالیت لری نینگ اساسی هدفی گه ایله نیب قالگن وضعیتده. 

ایندی انسان لرنینگ کیلگوسی اون ییلده آیده بیر جمعیت تشکیل ایتیشی ممکن بولگن ینگی بیر دور نینگ باشلنغیچی گه یقین له شماقده میز. 

حاضرگی کون گه قدر 11 اولکه و موسسه آی گه فضایی واسطه یوباریش گه موفق بولدی. 

اوشبو اولکه لر سابق سویت اتفاقی و حاضرگی روسیه فدراسیونی, امریکا قوشمه ایالتلری, جاپان, چین, هندوستان, اسرائیل, ایتالیا, لوکسمبورگ, جنوبی کوریا, بیرلشگن عرب امیرلیک لری و اروپا فضا آژانسی تامانیدن نماینده لیک ایتیلگن اروپا اتفاقی دن عبارت. 

لیکن بولرنینگ همه سی آی گه واسطه قوندیریش یاکه بیواسطه آیگه ایاق باسیش معنی سی گه کیلمه یدی. 

آی گه قونیش لر, واسطه نینگ ارتفاع سی نی پسه یتیریش تیزلیگی گه باغلیق بیر شکلده قتتیق یاکه یومشاق قونیش اوله راق ایکّی قسم گه اجره لماقده. 

یومشاق قونیش, فضایی سفینه نینگ امنیتلی و یواش بیر تیزلیکده قونیشی دن عبارت بولیب ایچیده پرسونلی بولگن سفینه نینگ قونیشی آرتیدن علمی تحقیقات و تست لر قیلیشی نینگ کوتیلیاتگن پیتده کیره کلی بوله دی. 

حاضرگی کون گه قدر فقط گینه اوچ اولکه نینگ واسطه سی آی گه یومشاق قونیش گه موفق بولدی. اوشبو اولکه لر امریکا قوشمه ایالتلری, روسیه و چین دن عبارت. 

میلادی 2030- ییل گه قدر آی گه باریش نی ریجه له گن اولکه لر:

کوپلب قوشیمچه اولکه لر یا فعال فضایی برنامه لر گه ایگه یاکه خاص بیر شکلده تمویل ایتیلیاتگن فضایی پروگرام لر گه میزبانلیک قیلماقده و شوباعث میلادی 2030- ییل گه قدر آی گه پرسونللی ویا پرسونلسیز بیر شکلده یومشاق قونیش فعالیت لری نی عملگه آشیریشی ممکن. 

خوددی شوو اولکه لردن بیری ایسه تورکیه دن عبارت. 

تورکیه کیلگوسی 10 ییل مابینیده آی گه قتتیق و یومشاق قونیش فعالیتی نی عملگه آشیره دی. 

راکت, اوچ کونلیک یولاوچیلیگی دوامیده معلومات توپلب دنیا گه یوباره دی.  میلادی 2028- ییلده هم یومشاق قونیش بیلن تورکیه, آیده علمی فعالیت لر قیله آله دیگن سناقلی اولکه لر آره سیده اورین آله دی.