انقره ده مصنوعی ذکا بوییچه بیر ییغیلیش بولیب اوتدی

تورکیه جمهوریتی جمهوررئیسلیک علاقه باشقرمه سی نینگ باشلیغی فخرالدین آلتون, مصنوعی ذکا تکنالوژی سی نینگ میدیا دنیاسی نینگ بیر حقیقتی دن عبارت ایکن لیگینی بیلدیردی.

آلتون, انقره ده بولیب اوتگن "میدیاده مصنوعی ذکا نی باشقریش" عنوانی گه ایگه بیر ییغیلیشده معروضه قیلدی. 

ینگی دور نی مخابرات و دیجیتال نینگ عصری اوله راق بهالنتیریاتگن لیگینی بیلدیرگن آلتون, حقیقت دایره سیده مصنوعی ذکا دن فایده له نیش اوچون سعی و حرکت قیلیاتگن لیکلرینی ایسله تیب اوتدی. 

مصنوعی ذکا نینگ خلق ارا مقیاسده عدالتسیزلیک نی چقورلشتیریش ریسکی نینگ هم موجود ایکن لیگینی معلوم قیلگن آلتون, اوشبو ساحه بوییچه قانونی کنترول لر اوچون کیره کلی زیربنانی تشکیل ایتیش مقصدی بیلن اورنیشیاتگن لیکلرینی بیلدیردی.

دیجیتال میدیا سوادخوانلیگی دایره سیده تشلنگن قدم لر توغریسیده هم سوز یوریتگن آلتون, "اوشبو خصوصده قیلگن فعالیت لری میزدن بیری هم ناتوغری معلومات گه قرشی کوره ش بوییچه قرارلی سیاستی میزدن عبارت.  ناتوغری معلومات گه قرشی کوره ش بوییچه انسان لرنینگ آنگی نی آچیش توغریسیده گی ایشلری میز دیجیتال میدیا سواد خوانلیگی گه ینگی بیر بُعد کسب ایتدیرگن وضعیتده" دییه قید ایتدی.