عالی بیلیم یورتلری اورته سیده گی رقابت

یو آی گرین متریک (UI GreenMetric) جهان یشیل عالی بیلیم یورتلری سیستمیده تورک عالی بیلیم یورت لری نینگ ینه ده یوقاری راق پاغانه لرده اورین آله آلیشی اوچون راپور تیارله یدیگن اکادمسین لر, اوزاق مدتده یشیل رهبرلیک توشینچه سی نینگ موجود بولگن اوقوو یورت لری نینگ ینه ده کوپراق بحث موضوعی بوله دیگن لیگینی معلوم قیلدی. 

اندونیزیا عالی بیلیم یورتی, میلادی 2010- ییلدن بیری اطراف- محیط, اجتماعی و اقتصادی جهت دن دوام ایتدیریله آله دیگن حیات طرزی نی قبول قیلیب, اوز ضرورت لرینی تامین ایته آله دیگن و اوشبو ساحه ده رهبرلیک قیله دیگن عالی بیلیم یورت لرینی, "یو آی یعنی UI (University of Indonesia) گرین متریک جهان یشیل عالی بیلیم یورت لری سیستمی بیلن بهالنتیرماقده. 

اوشبو دایره ده میلادی 2022- ییلده جهان بویلب 1050, تورکیه دن ایسه 83 عالی بیلیم یورتی بهالنتیریلرایکن, میلادی 2023- ییلده خوددی شوو رقم دنیا ده 1183 و تورکیه ده 98 گه ییتدی. 

جهان بویلب اوشبو ساحه ده اینگ کوپ قبول قیلینگن درجه انیقلش فعالیت لریدن بیری بولگن مذکور سیستمده, بیرلشگن ملتلر تشکیلاتی دوام ایتدیریله آله دیگن رواجله نیش هدفلری دایره سیده تشکیل ایتیلگن 17 اساسی عنوان چوکاتیده گی کورستگیچلر نینگ 6 ته سی اساس قیلیب آلینیب درجه لر انیقلنماقده. 

جاری ییلده بهالنتیریلگن تورکیه نینگ 98 عالی بیلیم یورتی دن 6 ته سی اینگ یخشی عالی بیلیم یورتلری قطاریده اورین ایگلله دی.  اینگ یخشی 200 عالی بیلیم یورتی ایچیده اورین آلگن تورکیه نینگ 9 عالی بیلیم یورتی ساختمان و زیربنا, انرژی و اقلیم اوزگریشی,  چیقیندی لر, سوو و تعلیم ساحه سی بوییچه پاینت لرینی آلدینگی ییل گه کوره آرتیردی. 

اوتگن ییلده 47- اورین نی ایگلله گن استانبول تخنیک عالی بیلیم یورتی, جاری ییلده اینگ یوقاری پاینت نی تعلیم بیلن انرژی و اقلیم اوزگریشی دن آلدی. 

تورکیه دن اینگ یوقاری ایکّینچی پاینت نی, لیستده 63- اورین نی ایگلله گن ییلدیز تخنیک عالی بیلیم یورتی آلرایکن, ارجِیَس, اوزیَیِن, ایگه و ییدی تپه عالی بیلیم یورت لری اینگ یخشی 100 عالی بیلیم یورتی لیستیده اورین آلیش گه موفق بولدی. 

میلادی 2023- ییلده تورکیه دن اشتراک قیلگن عالی بیلیم یورتلری نینگ اینیقسه سوودن فایده له نیش و قیته ایشلش خصوصیده یخشی ایکن لیگی, لیکن انرژی و اقلیم اوزگریشی معیار لریده پاینتی نینگ پس ایکن لیگی کورینماقده.