دبی ده اوچَر تکسی دن فایده له نیله باشلندی

بیرلشگن عرب امیرلیکلری نینگ دبی شهریده, اوچر تکسی دن فایده له نیله باشلندی. 

بیرلشگن عرب امیرلیک لری خبر آژانسی دبلیو ای ام اجتماعی ترماق آرقه لی اوشبو حقده بیانات بیردی. 

دبی نینگ بیرینچی بولیب اوچر تکسی دن فایده له نیله باشلنگن شهر بولگن لیگی بیلدیریلگن بیاناتده, پیلوت و 4 یولاوچی نی انتقال ایتدیریش ظرفیتی گه ایگه اوشبو تکسی نینگ ضررلی چیقیندی لری نینگ موجود ایمس لیگی معلوم قیلیندی. 

اینگ کوپ 161 کیلومتر مسافه نی طی قیله آله دیگن و تیزلیگی اعظمی ساعتده 320 کیلومتر بولگن اوشبو اوچر تکسی نینگ, دبی خلق ارا هوا قونلغه سی یقینی, شهر مرکزیده گی داونتاون, دبی مارینا  و نخل جمیره دن عبارت تورت بیکتی نینگ موجود ایکن لیگی بیلدیریلدی. 

بیاناتده, دبی خلق ارا هوا قونلغه سی بیلن نخل جمیره اورته سیده گی 45 دقیقه لیک سفر مدتی نینگ اوچر تکسی بیلن 10 دقیقه گه توشه دیگن لیگی معلوم قیلیندی.