کانادا ده, پولیس گه قرشی هجوم اویشتریلدی

دنیا ده جرم میزانی اینگ آز بولگن اولکه لر دن بیری نی تشکیل ایتیتگن کانادا ده, پولیس گه قرشی هجوم اویشتریلدی.
اولکه نینگ شرقی قیرغاغی ده گی نیو برونسویک منطقه سیده, حربی یونیفورم کییب آلگن بیر کیشی ۳ پولیس نی اولدیررایکن, ایککی نفر نی ایسه یاره له دی.
اوشبو حادثه مونکتون شهری ده یوز بیردی.
پولیس, قوراللی بیر کیشی نینگ موجود ایکن لیگی گه تیگیشلی خبر آلیشی آرتیدن منطقه گه باردی.
قوراللی کیشی تاثیر سیز وضعیت گه کیتریلیش گه حرکت ایتیلیتگن پیت ده توقنشو یوز بیردی.
حربی یونیفورم کییب آلگن و قولی ده ایککی میل سلاح بولگن هجومچی, پولیس لر گه قره ته اوق اوزیب باشله دی.
حادثه محللی گه بارگن پولیس لر دن اوچ نفری جان بیررایکن, ایککی کیشی سی ایسه یاره لندی.
کیین چه لیک جستین بورگ اسمی گه ایگه ایکن لیگی بلدریلگن ۲۴ یاشیده گی اوشبو هجومچی کیشی قاچیب کیتدی.
پولیس, یول لر نی بیرکیتیب قویب, خلق دن اوشبو هجومچی نینگ اوشلنگنگونگه قدر اوی لری دن چیقمس لیک لری نی طلب ایتدی.
آژانس لر, ۶۹ مینگ نفر نفوس گه ایگه مونکتون شهری ده اوتگن ییل دن بیری بیرته گینه هم جرم نینگ بحث موضوعی بولمه گن لیگی گه دقت قره تماقده.