اوروپا بیرلیگی ده اقتصاد بوییچه مسئول کیشی فندلند نینگ سابق باش

اوروپا بیرلیگی ده اقتصاد بوییچه مسئول کیشی فندلند نینگ سابق باش وزیری بوله دی.
اوروپا پارلمانی نینگ اعضاسی اوله راق سیلنگن اوروپا بیرلیگی کمیسیونی باشلیغی نینگ اقتصاد و پولی ایش لر بوییچه اورین باسری اولی ریهن نینگ اوز وظیفه سی نی فندلند نینگ سابق باش وزیری جیرکی کاتاینن گه تاپشیره دیگن لیگی بلدریلدی.
اوروپا کمیسیونی نینگ باشلیغی جوس مانویل باروسسو, اوشبو وظیفه نینگ کیله جک هفته ده فندلند نینگ سابق باش وزیری گه تاپشیریله دیگن لیگی نی بلدردی.
ریهن, ایرو منطقه سیده گی اقتصادی بحران جریانی ده اینیقسه اقتصادی قیین چیلیک لر گه دوچ کیلیب قالگن یونان, آیرلند و پرتگال نینگ قوتقریلیشی بیلن علاقه لی اوته مهم رول اوینه گن ایدی.
میلادی ۲۰۱۱ نچی ییلی دن بیری فندلند باش وزیری بولیب کیلگن کاتاینن, اپریل آیی ده اوروپا بیرلیگی وظیفه سی اوچون استعفا ایته دیگن لیگی نی بلدرگن ایدی.