اندونزیاده بیر قاییق سووگه باتیب کیتدی

اندونزیاده بیر بلیقچی قاییغی نینگ سووگه باتیب کیتیشی عاقبتیده 2 کیشی نینگ حیاتینی یوقاتگن لیگی 6 کیشی نینگ لادرک بولگن لیگی بیلدیریلدی.

کومپاس روزنامه سی خبر بیریشیچه، شرقی نوسا تنگره ایالتی نینگ پایتختی کوپانگ دینگیز ساحه سیده 16 ته یولاوچی و 12 ته بلیقچی بولگن قاییق دینگیزنینگ دالغه لنیشی عاقبتیده تونتریلیب کیتگن.

کوپانگ قیدیروو – قوتقروو اداره سی باشلیغی ایمی فریزر، یوز بیرگن بو حادثه ده 20 کیشی نینگ قوتقریلگن لیگینی، 6 کیشی نینگ لادرک بولگن لیگینی و 2 کیشی نینگ جان بیرگن لیگینی قید ایتدی.

بو قاییق نینگ 15 کیشی لیک ظرفیت بیلن بلیقچیلیک اوچون توزه تیلگن لیگینی افاده ایتگن فریزر، رسمیلرنینگ خبری بولمه ی توریب قاییقده یولاوچی آیلگن لیگینی بیلدیردی.

فریزر لادرک بولگنلرنی قیدیروو – قوتقروو فعالیتلری دوام ایتیب تورگن لیگینی معلوم قیلدی.