روسیه حکومتی امریکا قوشمه ایالتلریگه جواب قیتردی

روسیه حکومتی واشنگتن باشقرووی نینگ روسیه – اوکراین بحرانی نینگ کمه یتیریلیشی اوچون بیرگن تکلیفی گه یازمه روشده جواب قیتردی.

امریکا مطبوعاتیده گپیرگن و آتی نینگ بیریلیشینی خواهله مه گن تشقی ایشلر وزیرلیگیدن بیر ییتکچی امریکا قوشمه ایالتلری نینگ اوکراین توغریسیده گی تکلیفی گه روسیه دن جواب آلگن لیگینی بیلدیردی.

مذکور ییتکچی؛ "روسیه دن یازمه روشده بیر جواب آلگنیمیزنی تایید ایته میز. جواب نینگ تفصیلاتینی عام گه آچیق روشده تارتیشیش معناسیز بوله دی. شونده ی بولیب جوابلری توغریسیده گپیریش نی روسیه گه تشله یمیز" دیب افاده ایتدی.

ییتکچی، "بیز مسئله لرنینگ ییچیمی اوچون دیالوگ که باغلیق بولیب قاله میز، اوکراین قاله ویرسه اورتاق و متفقلریمیز بیلن یقین بولیش گه دوام ایته میز" دیدی.

امریکا قوشمه ایالتلری روسیه نینگ خوفسیزلیک تکلیفلریگه اوتگن هفته جواب بیرگندی.

بلینکن 26 جنوریده امریکا قوشمه ایالتلری تشقی ایشلر وزیرلیگیده اویوشتیرگن مطبوعاتی کنفرانسده روسیه نینگ شرقی اروپا بیلن تیگیشلی خوفسیزلیک تکلیفی گه یازمه جواب بیرگن لیکلرینی تیلگه آلگندی.

یازمه جواب نینگ تفصیلاتلرینی عام بیلن اورتاقلشمسلیکلرینی معلوم قیلگن بلینکن روسیه گه مهم دیپلوماتیک ترجیحلر بیرگن لیکلرینی افاده ایتگندی.

بلینکن، روسیه نینگ "اوکراین نینگ ناتوگه آلینمسلیگی" بوییچه طلبی گه اولمیلی جواب بیرمه گن لیکلرینی و ناتونینگ "آچیق یول سیاستیده" اوزگریش یوز بیرمه گن لیگینی ایتگندی.