تورکیه تشقی ایش وزیری تنیقلی فوتبالچی پله نینگ جنازه مراسمی گه اشتراک قیله دی

تورکیه جمهوریتی تشقی ایش لر وزیری مولود چاووش اوغلی, برازیل لیک تنیقلی فوتبالچی پله نینگ جنازه مراسمی گه اشتراک قیله دی. 

دیپلماتیک منبع لردن آلینگن معلومات لر گه کوره, تورکیه جمهوریتی جمهوررئیسی رجب طیب اردوغان, برازیل نینگ ینگی سیلنگن جمهوررئیسی لوئیس ایناسیو لولا دا سیلوا نینگ قسم یاد ایتیش مراسمیده تورکیه دن نماینده لیک ایته دیگن تورکیه تشقی ایش لر وزیری مولود چاووش اوغلی گه, پله نینگ جنازه مراسمی گه اشتراک قیلیشی اوچون بویروق بیردی.

چاووش اوغلی, سانتوس شهریده بولیب اوته دیگن پله نینگ جنازه مراسمی گه اشتراک قیله دی. 

پله اسمی بیلن تَنیلگن و فوتبال تاریخیده جوده کتته موفقیت لر قولگه کیریتگن فوتبالچی ادسون آرانتس دو ناسیمنتو 29- دسامبر کونی سائو پائولو ده کسلخانه ده وفات ایتدی.