پوتین قزاقستان گه تشریف بویوردی

روسیه جمهوررئیسی ولادیمیر پوتین قزاقستان گه قیلگن سفری دایره سیده اوشبو اولکه نینگ جمهوررئیسی قاسم جومرت توکایف بیلن اوچره شدی. 

اوچره شووده پوتین, ایکله اولکه اورته سیده گی تجارت حجمی نینگ اوتگن ییلده 10 فایز دن آرتیق بیر مقیاسده آشیب 28,2 میلیارد دالر گه ییتگن لیگینی بیلدیررایکن, روسیه نینگ قزاقستانده اینگ کوپ سرمایه یاتقزگن اولکه لر قطاریده اورین آلگن لیگینی معلوم قیلدی. 

ایکّی تامانلمه تجارتده ملی پولی واحد دن فایده له نیش میزانی نینگ کونسه ین آرتیب باریاتگن لیگینی بیلدیرگن پوتین, اینیقسه زراعت سکتوریده تجارت بیلن سرمایه گذارلیک لرنینگ جدل روشده آشیب باریاتگن لیگی و روسیه نینگ قزاقستان گه قره تیلگن زراعتی محصولات صادراتی میزانی نینگ کونسه ین آرتیب کیته دیگن لیگینی ایسله تیب اوتدی. 

پوتین, "اولکه لری میز اورته سیده گی ستراتژیک اورتاقلیک و متفق مناسبت لر ایشانرلی و موفقیتلی بیر شکلده رواجلنماقده.  رقم لر هم بونی انیق کورستماقده" دییه قید ایتدی.

اوچره شووده توکایف هم قزاقستان بیلن روسیه نینگ ستراتژیک اورتاق و متفق ایکن لیگینی بیلدیررایکن, اینیقسه ایکله اولکه اورته سیده گی زراعت ساحه سی بوییچه همکارلیک نینگ پارلاق بیر کیله جککه ایگه ایکن لیگینی ایسله تیب اوتدی. 

روس گازی نینگ قزاقستان آرقه لی اوزبیکستان گه انتقال ایتدیریلیشی نینگ قیسقه بیر مدت آلدین باشله گن لیگینی معلوم قیلگن توکایف, "اوشبو پروژه اورته آسیاده منطقوی برقرارلیک و انرژی خوفسیزلیگی نینگ کوچه یتیریلیشیده حیاتی اهمیت گه ایگه" دییه قید ایتدی. 

ایکله رهبر, اوچره شوو دایره سیده, قوستانای شهریده بولیب اوتگن 19- روسیه- قزاقستان منطقه لر ارا همکارلیک ییغیلیشیده ویدیوکنفرانس آرقه لی اشتراک قیلدی. 

اوچره شوو لر آرتیدن ایکّی اولکه اورته سیده فرقلی کیلیشوو لرنینگ هم امضاله نیشی کوتیلماقده.