نتانیاهو بیلن بلینکن اوزارا اوچره شوو اوتکزدی

اسرائیل باش وزیری بنیامین نتانیاهو اولکه سیگه تشریف بیورگن امریکا قوشمه ایالتلری تشقی ایشلر وزیری انتونی بلینکن بیلن اوچره شدی.

اورته شرق توری دایره سیده بوگون ایرته لب اسرائیل گه بارگن بلینکن تل عفیف ده نتانیاهو بیلن ملاقات قیلدی.

اسرائیل باش وزیرلیک مطبوعات باشقرمه سی تامانیدن بیریلگن بیاناتده، بلینکن نینگ ملاقات نینگ آرتیدن اوروش کابینه سی اعضالری بیلن هم اوچره شیشی بیلدیریلدی.

نتانیاهو – بلینکن اوچره شووویده تیلگه آلینگن موضوعلر حقیده ایسه معلومات بیریلمه دی.

بلینکن تل عفیف بیلن حماس اورته سیده اسیر المه شووی کیلیشووی بولیب اوتیشی اوچون اوتکزیلگن مذاکره لر بوییچه اوچره شیش مقصدی بیلن پنجشنبه کونی سعودی عربستان بیلن مصرگه تشریف بیورگندی.

بوگون ایرته لب اسرائیل گه اوتگن انتونی بلینکن نینگ بو تشریفی غزه گه قره ته هجوملرگه باشله گن 7 اکتوبردن بیری اسرائیل گه اویوشتیرگن 6 – سفر بولدی.