کلمبیا جمهوررئیسی غزه ده گی وضعیت نی هیروشیما گه اوخشه تدی

کلمبیا جمهوررئیسی گوستاوو پترو, اسرائیل نینگ هجوم لری نینگ دوام ایتیاتگن غزه نواریده 32 مینگ دن آرتیق کیشی نینگ حیاتینی یوقاتگن لیگینی بیلدیررایکن, منطقه ده یوز بیرگن حادثه لر نی اتم بمبی آتیلگن جاپان نینگ هیروشیما شهری گه اوخشه تدی. 

غزه ده آچلیکدن اولگن فلسطینلیک لر حقیده گی بیر خبر نی ایکس آرقه لی ترقه تگن پترو, "امریکا قوشمه ایالتلری, هیروشیما گه اتم بمبی آتگنده (میلادی 1945- ییل آگست آیی), او ییرده 77 مینگ دن آرتیق کیشی حیاتینی یوقاتگن ایدی.  حاضرگی کونده جاپان دن کیچیک بیر اولکه ده, فلسطینده, هیروشیما دن هم کیچیک بیر شهرده؛ غزه ده گی بمباردمانده, 32 مینگ دن آرتیق انسان حیاتینی یوقاتدی.  حکایه بیر خیل" دییه قید ایتدی. 

پترو, غزه ده گی ویرانگرچیلیککه دقت قره ترایکن, اوز سوز لرینی, "دنیا نینگ کتته پایتخت لری, انسان لر گه اوز بویروق لرینی تحمیل قیلیش اوچون شعورسیز بیر شکلده حربی کوچلری دن فایده لنماقده" شکلیده دوام ایتدیردی. 

غزه نواریده 7- اوکتوبردن بیری دوام ایتیاتگن اسرائیل نینگ هجوملریده, کوپچیلیگی باله لردن عبارت 32 مینگ دن آرتیق فلسطینلیک حیاتینی یوقاتدی.