پورتگال ده ینگی حکومت ایش گه باشله دی

پورتگال ده 10 مارچ تاریخیده بولیب اوتگن وقتیدن آلدین سیلاوده بیرینچیلیک اوریننی آلگن راستگرا دموکراتیک اتفاق (AD) نینگ ییتکچیسی لوئیز مونتنگرو تامانیدن قوریلگن آزچیلیک حکومتی قسم یاد ایتیب ایش گه باشله دی.

 سوسیال دموکرات حزب (PSD) نینگ ییتکچیسی هم بولگن مونتنگرو اعلان قیلگن 7 ته سی خاتین – قیزدن عبارت 17 وزیر، جمهور باشلیغی مارسیلو ریبیلو دی سوسه نینگ قاشیده قسم یاد ایتیب ایش گه باشله دی.

پورتگال ده 1974 ییلی 25 اپریل تاریخیده دیکتاتورلیک دوری گه یکون یسه گن چیننی گللر قوزغالانی نینگ 50- ییل لیگیده قوریلگن 24 – حکومتده گی 17 وزیردن 13 ته سی سوسیال دموکرات حزبیدن، 1 ته سی راستگرا دموکراتیک اتفاق نینگ کیچیک اورتاغی عیسوی دموکراتلردن 3 ته سی ایسه تکنوکراتلردن تنلندی.

مجلسده گی 230 اوریندن فقط 80 ته سیگه ایگه بولگن راستگرا دموکراتیک اتفاق قورگن آزچیلیک حکومتی بیلن سونگگی 8 آیدن بیری انتونیو کوسته نینگ باشچیلیگیده اقتدارده بولگن سوسیالیست حزب نینگ دوری هم اداغگه ییتیب باردی.

آزچیلیک حکومتینی قورگن راستگرا دموکراتیک اتفاق نینگ 2024 ییلی بودجه سی آلدینگی حکومت تامانیدن قبول قیلینگن لیگی طفیلی کمیده ایلک 6 آینی راحت اوتکزه جگی بیراق کیین جدی معمالرگه دوچ قاله جگی بیلدیریلماقده.