مسکوده بیر ترورچیلیک هجومی نینگ آلدی آلیندی

روسیه فدرال خوفسیزلیک باشقرمه سی پایتخت مسکوده جایلشگن بیر سیناگوگ (کنیسه) گه قره تیلگن ترورچیلیک هجومی نینگ آلدی آلینگن لیگینی بیلدیردی.

روسیه فدرال خوفسیزلیک باشقرمه سی ییتکرمه بولیمی تامانیدن بیریلگن بیاناتده، " روسیه فدرال خوفسیزلیک باشقرمه سی مسکوده جایلشگن سیناگوگ (کنیسه) ده وطنداشلر ییغیلگن پیتده ترورچیلیک هجومی اویوشتیریش نی ریجه له گن اورته آسیا اولکه لریدن 2002 ییلی توغیلگن بیر کیشی نینگ ترورچیلیک حرکتینی آلدینی آلدی." دییلدی.

خوددی شو کیشی نینگ سیناگوگده تیکشیروو عملگه آشیرگن لیگی و منفجره اوچون مواد ساتیب آلگن لیگی معلوم قیلینگن بیاناتده، "ترورچی 10 اپریلده قولگه آلینیشی پیتیده خوفسیزلیک کوچلریگه قره ته اوق اوزدی و تاثیرسیز وضعیت گه کیلتیریلدی." دیب ایتیلدی.

روسیه نینگ پایتختی مسکوده 22 مارچ تاریخیده هم "کروکوس شهر سالونی" ده قوراللی کیشیلر تامانیدن ترورچیلیک هجومی اویوشتیریلگندی.

اجتماعی ترماقده گی تصویرلرده هجومچیلرنینگ ماشیندار قوراللر بیلن اوق اوزگن لیگی کوریلدی.

114 کیشی حیاتینی یوقاتگن ترورچیلیک هجومی گه تیگیشلی حلی گچه 11 کیشی قولگه آلیندی.