افغانستانده 6,5 ریشترلیک ییر سیلکینیشی یوز بیردی

افغانستان نینگ هندوکش منطقه سیده توناون آقشام یوز بیرگن 6,5 ریشترلیک ییرسیلکینیشی عاقبتیده پاکستانده حیاتینی یوقاتگن لر سانی 9 نفر گه ییتدی. 

عینی دمده اوشبو حادثه عاقبتیده 160 کیشی نینگ یره لنگن لیگی بیلدیریلدی. 

جیو نیوز تلویزیونی نینگ بیرگن خبری گه کوره, افغانستان چیگره سی یقینیده گی خیبر پختونخوا ایالتیده زلزله قتتیق حس ایتیلدی. 

خیبر پختونخوا ایالتیده 9 کیشی نینگ اولگن لیگی و 160 نفر نینگ ایسه یره لنگن لیگی معلوم قیلیندی. 

حیاتینی یوقاتگن اوشبو کیشی لر آره سیده 2 عیال و 2 باله نینگ هم موجود ایکن لیگی بیلدیریلدی. 

مذکور ایالتده زلزله کمیده 19 اوی گه قسماً ضرر ییتکزگن. 

امریکا جیولوژیک تدقیقات لر مرکزی تامانیدن بیریلگن بیاناتده, اوشبو زلزله نینگ مرکزی نینگ, افغانستان نینگ بدخشان ولایتی نینگ جرم تومنی ایکن لیگی بیلدیریلگن ایدی. 

افغانستان نینگ کوپلب شهرلریده حس ایتیلگن خوددی شوو زلزله عاقبتیده افغانستانده هم کمیده اوچ کیشی نینگ حیاتینی یوقاتگن لیگی بیلدیریلدی. 

اوشبو زلزله نینگ پاکستان پایتختی اسلام آباد دن تشقری, لاهور, راولپندی, کویته, پشاور و باشقه کوپلب شهرلرده هم حس ایتیلگن لیگی بیلدیریلگن ایدی.