تورکیه دن یوکلنگن یخشیلیک ریلی افغانستان گه قره ب یولگه قوییلدی

تورکیه دن افغانستان هرات ولایتیده اکتوبر آییده یوزبیرگن ییر سیلکینیششی طفیلی تیارلنگن بشری یاردم نی تاشووچی "یخشی لیک ریلی" نینگ اون توقیزینچیسی پایتخت انقره دن حرکت قیلدی. 

بشری یاردم موادی تورکیه جمهوریتی آفت و عاجل وضعیت لر آفاد اداره سی باشقرویده یاردم موسسه لری نینگ سعی و حرکت لری نتیجه سیده ییغیشتیریلگن یاردم موادلرینی تشووچی اون توقیزینچی "یخشیلیک ریلی"  پایتخت انقره دن افغانستانگه یوباریلدی. 

اوشبو ریلده 39 تن کمپل، 8 تن یتاق، 85 تن خیمه، 40 تن تمزلیک موادی، 33 تن کییم، 15 تن جنراتور، 240 تن ـذیق – اوقات، 30 تن آشخانه موادی، 400 کیلو سیار توالت و 18 تن بخاری بارلیگی معلوم قیلیندی.

"یخشیلیک ریلی" نینگ یوباریلیشی بوییچه انقره ده بولیب اوتگن مراسمده تورکیه جمهوریتی ایچکی ایش لر وزیری اورینباسری منیر قاره اوغلی پایتخت دانقره نینگ ریل استیشنیده بیرگن بیاناتده، افغانستان نینگ هرات ولایتیده 7 اکتوبرده یوزبیرگن ییر سیلکینشلری نینگ آرتیدن اولکه گه ییتیب بارگن ایلک یاردم گروهی نینگ تورکیه جمهوریتی آفت و عاجل وضعیت لر آفاد اداره سی گروهی ایکن لیگینی ایتدی.

قاره اوغلی ریل نینگ 4 مینگ 200 کیلومترلیک مسافه نی طی قیلیب 15 کونده افغانستانگه ییتیب باره جگینی بیلدیردی.