افغانستان ده طبیعی آفت عاقبتیده کوپلب کیشی حیاتینی یوقاتدی

افغانستان نینگ نورستان و پنجشیر ولایتلریده کوچلی قار یاغیشی طفیلی یوزبیرگن ییر سیلجیشی و قار کوچکیسی عاقبتیده دستلبکی معلوماتگه کوره 27 کیشی حیاتینی یوقاتدی.

افغانستان اوتیش دوری حکومتی نینگ طبیعی آفتلر بوییچه مسؤل وزیرلیگی سوزچیسی ملا جانان سایق، نورستان ولایتیده ایرته گچه یاغگن قارنینگ نورگرام تومنیده ییر سیلجیشی و قارکوچکیسی گه سبب بولگن لیگینی ایتدی.

خوددی شو آفت عاقبتیده کوپلب اوی – جای نینگ توپراق و قار آستیگه قالیب کیتگن لیگینی افاده ایتگن سایق، قیدیروو و قوتقروو فعالیتلری نینگ دوام ایتیب تورگن لیگینی شونده ی بولیب حلی گچه 25 کیشی نینگ جسدی نینگ چیقریلگن لیگینی و 8 کیشی نینگ یره لنگن لیگینی معلوم قیلدی.

شونده ی بولیب پنجشیر ولایتیده هم قار کوچکیسی عاقبتیده 2 نفر کان ایشچیسی نینگ حیاتینی یوقاتگن لیگی 1 کیشی نینگ یره لنگن لیگی بیلدیریلدی.

افغانستان نینگ اورته و شمال منطقه لریده یوزبیرگن کوچلی قار یاغیشی طفیلی کوپلب تورر جای یوللری یاپیلیب قالگن وضعیتده.

مذکور منطقه لرده یول آچیش فعالیتلری دوام ایتماقده.