ایردوغان: 15- جولای ظفری ملت نینگ ظفریدیر

تورکیه جمهوریتی جمهوررئیسی رجب طیب ایردوغان, 2016- ییل 15- جولای کونی فتح الله چی ترور تشکیلاتی (فتو) نینگ کودتا تشبثی گه قرشی قازانیلگن ظفر نینگ, ملت و ملی اراده نینگ ظفری دن عبارت ایکن لیگی نی بیلدیردی. 

جمهوررئیس ایردوغان, اوشبو مطلب نی تورکیه پارلمانیده 15- جولای شهید لری نی ایسلش پروگرامیده قیلگن معروضه سیده بیلدیردی.

ایردوغان معروضه سیده, "15- جولای, ملت, ملت اداره سی و دموکراسی فدایی لری نینگ ظفریدن عبارت. 15- جولای, حق نینگ باطل گه, عدالت نینگ ظلم گه و استقلال نینگ اشغال گه قرشی غلبه سی نینگ آتی دیر.  ملتی میز 15- جولای کونیده گی مقاومتی بیلن کودتا و اولکه میز نی تسلیم آلیش هدفی گه ایگه بیر اشغال تشبثی نینگ آلدینی آلدی.  یاش و قری همه بیر یقه باشدن چیقارگن ملتی میز, تورکیه نی یینگیش نینگ ممکن ایمس لیگی نی جهان گه ینه بیر بار کورسه تیب بیردی.  تورک ملتی کوچه ده استقلالی نی اسره ب قالرایکن, ملت وکیل لری میز هم بو اولوغ جایده (تورکیه پارلمانی) دموکراسی و ملی اراده نی مدافعه قیلدی " دییه قید ایتدی.

ایردوغان اوز سوز لری نی, "وکیل لری میز غازی پارلمانی میز نینگ شانی گه اویغون بیر شکلده اوستی گه بمب توشیشی گه قره مسدن خلق نینگ امانیتی نی ییر گه تشله مه دی.  اوشبو دایره ده او کیچه مانع لر دن اوتیب, تانک لرنینگ تیگره گیدن ایله نیب, اوق اوزیلیاتگن گه قره مسدن یوریب تورکیه پارلمانی گه کیلگن و وکیل لیک مسئولیتی نی بجا کیتیرگن همه گه اوزیم, ملتیم و اولکه م نامیدن منتدارچیلیک بیلدیره من" شکلیده دوام ایتتیردی. 

جمهوررئیس ایردوغان, "تاریخ 15- جولای کیچه سیده گی باشقه قهرمان لیک لر بیلن بیرگه غازی پارلمانده گی بو همکارلیک روحی نی هم آلتین حرف لر بیلن یازه دی.  استقلال اوروشی میز نی باشقرگن پارلمان اعضالری, آره دن بیر عصر اوتگن بولیشی گه قره مسدن خیر بیلن ایسلنگن لیگی دیک, ینگی تورکیه نینگ کیله جک کوره شی نینگ باشلیق لری هم انشاءالله هردایم منت بیلن ایسله نه دی" دییه قید ایتدی.