تورکیه ده 15- جولای خائنانه کودتا تشبثی نینگ بیشینچی ییلی مناسبتی بیلن مراسم لر بولیب اوتدی

فتح الله چی ترور تشکیلاتی (فتو) نینگ میلادی 2016- ییل 15- جولای کونیده گی خائنانه کودتا تشبثی نینگ بیشینچی ییلی مناسبتی بیلن تورکیه نینگ برچه جای لریده انسان لر دموکراسی نی اسره ش مراسم لری گه اشتراک ایتدی. 

قوللری گه بیرق لر آلگن مینگلب کیشی, شهر میدان لریده گی مراسم لر گه قتنشدی.

پایتخت انقره ده, 15- جولای قیزیل آی ملی اراده میدانیده دموکراسی نوبتی گه اشتراک ایتیلدی. 15- جولای قیزیل آی ملی اراده میدانی, فتو نینگ کودتا تشبثی جریانیده وطنداش لرنینگ کودتاگه مقاومت میدان لری دن بیری بولگن ایدی. 

اوشبو دایره ده, کودتاچی لرنینگ هدف قیلیب آلگن, 51 پولیس نینگ شهید بولگن, انقره ده گی گولباشی ضربتی کوچلر قوماندانلیگی ده هم ایسلش مراسمی بولیب اوتدی.

تورکیه نینگ یالووا ولایتیده آلتین اوه شهردارلیگی تامانیدن تیارلنگن 600 مترلیک تورک بیراغی نینگ تاشینگن کتته بیر مراسم ترتیب لندی.

استانبول هوا قونلغه سی ترافیک کنترول برجی, 15- جولای دموکراسی و ملی بیرلیک کونی مناسبتی بیلن تورک بیراغی بیلن بیزندی. 

غلطه برجی بیلن آیاصوفیه کبیر جامع مسجدی شریفی 15- جولای گه خاص تصویر لر بیلن آیدینله تیلدی. 

استانبول ده گی یاووز سلطان سلیم کوپریگی, 15- جولای دموکراسی و ملی بیرلیک کونی مناسبتی بیلن قیزیل- آق رنگ لر بیلن بیزه تیلدی.

کتته چاملیجه جامع مسجدی گه "برچه شهید لری میز نینگ روحی شاد بولسین" دییه یازیلدی. 

کودتا تشبثی گه قرشی مقاومت ده بیرلیک نینگ سمبولی بولگن صلاه  سیس لری, تورکیه وقتی بیلن 00:13 ده تورکیه نینگ برچه مسجد لریده بیر وقت نینگ اوزیده ینگره دی.