یوسف اسلام تورکیه ده ایلک مرته کنسرت اجرا ایتدی

انگلیس موزیکچی یوسف اسلام، تورکیه مدنیت و توریزم وزیرلیگی تامانیدن آلیب باریلگن بی اوغلی مدنیت یولی فستیوالی دایره سیده تورکیه ده ایلک مرته کنسرت اجرا ایتدی.

کویله گن اشوله لری بیلن 1960 و 1970 ییللریده تن آلینگن و 1977 ییلی مسلمانلیک نی تنله گن انگلیس صنعتچی استانبول اتاتورک مدنیت مرکزی (AKM) تورک تیلیکوم اوپیرا صالونیده کنسرت اجرا ایتدی.

اوشبو صنعتکار "تورکیه مدنیت یولی فستیواللری" دایره سیده 23 اکتوبرده CSO آدا انقره صالونیده کنسرت بیره دی.

اشوله چی، اشوله یازووچیسی و موزیکچی یوسف اسلام نینگ تورکیه ده گی کنسرتلری نینگ عایدی تینچلیک ترماغی یاردم موسسه سیگه تاپشیریله دی.

اجتماعی پروژه لرنی قوللب – قوتلش و انگلستانده گی یوسف اسلام بنیادی آرقه لی بیرگن یاردم فعالیتلری بیلن آلقیش آلماقده. شونده ی بولیب یوسف اسلام نینگ تورکیه ده گی کنسرتلری 2023 ییلی خلق ارا کنسرت توریگه باشچیلیک قیلگن بوله دی.