تی آر تی ورلد خلق ارا مقیاسده کتته بیر موفقیت قولگه کیریتدی

تی آر تی ورلد تامانیدن تیارلنگن ساورینلی مستند فلم دن عبارت " Off the Grid" نینگ اوکراینده ثبت قیلینگن (اوکراین اوروش کونلیک لری) بولیمی, خلق ارا مقیاسده کتته موفقیت قولگه کیریتدی.

تورکیه رادیو تلویزیون اداره سی (تی آر تی) تامانیدن بیریلگن بیاناتده, روسیه بیلن اوکراین اورته سیده گی اوروش آرتیدن عادی اهالی نینگ دوچ کیلیب قالگن وضعیت حقیده معلومات بیریلگن مستند فلم نینگ, خلق ارا تلویزیون صنعت لری و بیلیم لری اکادمیسی تامانیدن بیریله دیگن 44- بین المللی ایمی ساورین لری نینگ "خبر و کون ترتیبی ده گی حادثه لر" کتگوریسیده فاینلده اورین آلیش گه موفق بولگن لیگی معلوم قیلیندی. 

فاینلده تورکیه دن نماینده لیک قیلیاتگن تی آر تی ورلد نینگ رقیب لری ایسه انگلستان, برازیل و اسرائیل دن عبارت بولدی. 

اوکراینده ثبت قیلینگن اوشبو مستند فلم, اوروش نینگ جوده یمان تاثیری نی انعکاس ایتدیررایکن, روسیه اردوسی نینگ چیقیشی آرتیدن اوکراین ده گی عادی اهالی نینگ حیاتیده گی اوزگریش حقیده بحث ایتماقده. 

بیاناتده سوز لری گه اورین اجره تیلگن تی آر تی عمومی باشلیغی محمد زاهد سوباجی, "تی آر تی صفتیده هدفی میز, خارجی تیللرده گی نشراتی میز بیلن خلق ارا مقیاسده کوچلی بولیش دن عبارت.  اوزاق و یقینده گی ینگیلیک لرنی جاییده کوزه تیب, اکثراً دنیا نینگ اهمیت بیرمه گن کوپلب موضوع لر نی کون ترتیبی گه کیلتیرماقده میز.  شوباعث تی آر تی ورلد نینگ اوکراین ده گی اوروش نینگ اینیقسه عادی اهالی گه تاثیری نی توشینتیریب بیرگن Off the Grid نینگ خبر مستند فلم اوله راق خلق ارا ایمی ساورینی اوچون کاندید بولگن لیگی بیز نینگ جهتی میزدن کوتیلمه گن بیر نرسه دن عبارت ایمس. بو موفقیتی میز نینگ خلق ارا مقیاسده گی انعکاسی دیر.  محنت قیلگن همه دوست لر گه تبریک بیلدیره من" دییه قید ایتدی. 

خلق ارا نشرات بوییچه مسئول تی آر تی عمومی باشلیغی اورینباسری عمر فاروق تنگری بیردی ایسه, اوشبو توغریده گی سوزلرینی, "ایمی گه کاندید قیلیب کورسه تیلگن لیگی میز تی آر تی ورلد نینگ خلق ارا نشرات بوییچه موفقیتی نینگ اثباتی دن عبارت.  محنت قیلگن همه دوست لری میز گه تبریک بیلدیره من" شکلیده دوام ایتدیردی.

تی آر تی ورلد کوردیناتوری بوره بیرقدار هم, "اوشبو کاندیدلیک موفقیتی میز نینگ ژورنالیزم و تلویزیون ساحه سی بوییچه اینگ مهم نشرات آلیب باروچی لر تامانیدن قبول قیلینگن لیگی دن عبارت.  عینی دمده اوکراین ده گی وضعیت نی موازنه لی بیر شکلده, انیق یاریتیب بیرگن لیگی میز نینگ هم اثباتی نی تشکیل ایتماقده" دییه قید ایتدی. 

44- خلق ارا ایمی ساورین لری نینگ "خبر و کون ترتیبی ده گی حادثه لر" کتگوریسی ساورین لری, 27- سپتامبرده نیویورکده بولیب اوته دیگن و تلویزیون دنیا سی نینگ مهم شخصیت لری نینگ اشتراک قیله دیگن مراسم آرقه لی اوز ایگه لرینی تاپه دی.