مالزیاده اکادمسین لر تورک تیلی نی اورگه نه دی

مالزیاده عسکری اوقووچی لر بیلن اکادمسین لر تورک تیلی نی اورگه نه دی. 

کوالا لامپور یونس ایمره انستیتوتی بیلن مالزیا ملی مدافعه عالی بیلیم یورتی آره سیده عسکری اوقووچی لر و اکادمسین لر گه تورک تیلی نینگ اورگه تیلیشی, تورکچه و تورک فرهنگی نی تنیتیش فعالیت لری بوییچه همکارلیک کیلیشووی امضالندی. 

تورکیه نینگ کولا لامپور ایلچی خانه سی تامانیدن بیریلگن یازمه بیاناتده, مالزیا ملی مدافعه عالی بیلیم یورتی ریاستی بناسیده بولیب اوتگن امضا مراسمی گه, ایلچی امیر سالم یوکسل, عالی بیلیم یورتی باشلیغی جنرال داتوک ماردزوکی محمد, باشلیق اورینباسری پروفیسر داتو احمد مجاهد بن احمد زاهد بیلن کوالا لامپور یونس ایمره انستیتوتی کوردیناتوری عمر آلتون اشتراک قیلدی. 

امضا مراسمیده گپیرگن محمد, جاری ییلده باشله شی کوتیلیاتگن درس لر بیلن تورکچه نینگ, عالی بیلیم یورتی تیل اورگه تیش مرکزیده اورگه تیله دیگن 6- تیل بوله دیگن لیگینی بیلدیردی.

محمد, تورکچه درس لری بیلن باشله یدیگن اوز ارا همکارلیک نینگ کیفیت و ایکّی تامانلمه منفعت دایره سیده معارف, تدقیقات, نشرات و ترجمه کبی فرقلی ساحه لرده رواجلنتیریله دیگن لیگینی معلوم قیلدی. 

تورکیه ایلچی سی یوکسل هم انقره بیلن کوالا لامپور اورته سیده گی یقین عسکری مناسبت لر گه دقت قره تدی. 

یوکسل, اوشبو همکارلیک کیلیشووی نینگ, ایکله اولکه اورته سیده مدافعه صنایع سی ساحه سیده گی فعالیت لر گه ینگی بیر بُعد کسب ایتدیرگن لیگینی معلوم قیلرایکن, اوشبو سعی و حرکت لرنینگ مالزیاده موجود بولگن تورک مدافعه صنایع سی شرکت لری نینگ مناسبت لر و اورتاق فعالیت لری گه کتته حصه قوشه دیگن لیگی گه ایشانگن لیگینی بیلدیردی.