تورکیه مطبوعاتیدن خلاصه لر 02.05.2024

ستار روزنامه سی, تورکیه جمهوریتی جمهوررئیسی رجب طیب اردوغان نینگ, 1- می ایشچی کونی مناسبتی بیلن تبریک بیلدیرگن لیگینی یازماقده. 

خبرده, توناون اجتماعی ترماق آرقه لی ایشچی لر گه قره ته بیرگن بیاناتیده اردوغان نینگ, "اولکه میز بیلن بیرگه دنیاده هم قیزغین کوتیب آلینیاتگن 1- می ایشچی کونی مناسبتی بیلن تبریک بیلدیره من.  حلال رزق قازانیش اوچون چاپیاتگن ایشچی قرداش لری میز گه سلام و محبت لریمنی تقدیم ایته من" دییه قید ایتگن لیگی ایسله تیلماقده. 

حریت روزنامه سی, تورکیه جمهوریتی تشقی ایش لر وزیری خاقان فیدان نینگ, توناون انقره ده اندونزیا تشقی ایش لر وزیری بیلن ترتیب له گن اورتاق مطبوعاتی کنفرانسیده ایریم بیاناتلر بیرگن لیگینی معلوم قیلماقده. 

خبرده, فیدان نینگ, "ایلک مراتبه اعلان قیلماقچی من.  جنوبی افریقا نینگ خلق ارا عدالت دیوانیده اسرائیل گه آچگن دعوا بوییچه حصه قوشیش گه قرار قیلدیک" دییه قید ایتگن لیگی گه دقت قره تیلماقده. 

وطن روزنامه سی, اوزبیکستان گه تشریف بویورگن تورکیه جمهوریتی جمهوررئیس اورینباسری جودت ییلماز نینگ اوزبیکستان جمهوررئیسی شوکت میرضیایف بیلن اوچره شگن لیگینی یازماقده. 

خبرده, ییلماز نینگ, "اوزبیکستان بیلن اورتاق تاریخی و فرهنگی علاقه لری میز دایره سیده موجود دوستلیک و قرداشلیگی میز نی 'تیلده, فکرده و ایشده بیرلیک' شعاری بیلن مستحکم لشتیریش گه دوام ایته میز" دییه قید ایتگن لیگی ایسله تیلماقده. 

صباح روزنامه سی, تورکیه جمهوریتی انرژی و طبیعی منبع لر وزیری آلپ ارسلان بیرقدار نینگ, تورکیه نینگ انرژی بوییچه ضرورت لری نی اوز منبع لریدن تامین ایتیش بوییچه مهم بیانات لر و ینگی مژده لر بیرگن لیگینی معلوم قیلماقده. 

خبرده, بیرقدار نینگ, "ساکاریا گاز ساحه سی نینگ جنوبیده جون آییده پطرول قودوغی قازه میز.  سینوپ, ترابزون و ریزه ده موقعیت لر انیقله دیک" دییه قید ایتگن لیگی بیلدیریلماقده. 

خبرتورک روزنامه سی, اوتگن ییل نینگ خوددی شوو دوری بیلن سالیشتیریلگنده جاری ییل نینگ دستلبکی اوچ آییده لوکس کیمه لر بیلن تورکیه گه کیلگن و تورکیه دن باشقه اولکه لر گه اوتگن یولاوچی لر سانی نینگ 79,15 فایز گه آشیب 61 مینگ 113 نفر گه ییتگن لیگی نی یازماقده.