تورکیه مطبوعاتیدن خلاصه لر 03.05.2024
تورکیه مطبوعاتیده باسیلیب چیققن خبر لرنینگ خلاصه لری
صباح روزنامه سی, تورکیه جمهوریتی جمهوررئیسی رجب طیب اردوغان نینگ, 4 نفر تورک نینگ حیاتینی یوقاتگن سولینگن ده گی هجوم گه قرشی ینه بیر بار عکس العمل کورستگن لیگینی معلوم قیلماقده.
خبرده, اوشبو موضوع نی آلمان جمهوررئیسی فرانک- والتر شتاینمایر گه هم بیلدیرگن لیگینی معلوم قیلگن اردوغان نینگ, "بو منفور حادثه لر گه قرشی عکس العمل کورستمس لیگی میز ممکن ایمس, دعوا نی کوزه ته میز" دییه قید ایتگن لیگی ایسله تیلماقده.
خبرتورک روزنامه سی, غرب ده کونساین آرتیب باریاتگن اسلام گه قرشی دشمنلیککه دقت قره تگن جمهوررئیس اردوغان نینگ, "افراطی راستگرا آقیم لر نینگ ایریم اروپا اولکه لریده دولت تامانیدن حمایت قیلینیاتگن لیگی اویت و رسوالیک دن عبارت" دییه قید ایتگن لیگی نی یازماقده.
خبرده, جمهوررئیس اردوغان نینگ, غرب ده مسلمان لر و مهاجر لر گه قره تیلگن هجوم لرنینگ تیرگاو باسقیچیده اوستی نینگ یاپیلگن لیگینی بیلدیرگن لیگی معلوم قیلینماقده.
حریت روزنامه سی, جمهوررئیس اردوغان نینگ, امریکا قوشمه ایالتلری ده اسرائیل گه قرشی ناراضی چیلیک نمایش لری اوتکزگن کیشی لر گه قره تیلگن خشونت گه عکس العمل کورستگن لیگینی بیلدیرماقده.
خبرده, اردوغان نینگ, "ایریم مهم عالی بیلیم یورت لریده وجدانلی اوقووچی لر و اکادمسین لر قیرغین گه عکس العمل کورستماقده. زوروانلیک و قییناققه گه دوچ کیلماقده. عالی بیلیم یورتی باشلیق لری و اکادمسین لر ایشدن بوشه تیلماقده و اولر گه باسیم قیلینماقده" دییه قید ایتگن لیگی گه دقت قره تیلماقده.
ستار روزنامه سی, تورکیه جمهوریتی تشقی ایشلر وزیری خاقان فیدان نینگ, تورکیه نینگ جنوبی افریقا نینگ اسرائیل گه قرشی خلق ارا عدالت دیوانیده آچگن دعوا گه حصه قوشیش گه قرار قیلگن لیگی نی بیلدیرگن لیگی نی یازماقده.
خبرده, فیدان نینگ اوشبو بیاناتی نینگ دنیا مطبوعاتیده کینگ عکس ایتگن لیگی بیلدیریلماقده.
ینی شفق روزنامه سی, عراق چیگره قوریقچی لری نینگ, تورکیه نینگ عملیات منطقه لری گه یقین نقطه لر گه حربی مرکز قوریاتگن لیگینی معلوم قیلماقده.
خبرده, تورکیه جمهوریتی ملی مدافعه وزیرلیگی نینگ, "ترور تشکیلاتی پ.ک.ک نینگ فعالیت لری نینگ توسیب قوییلیشی اوچون عراق و اولکه میز همکارلیکده ایش آلیب باره دی" دییه قید ایتگن لیگی ایسله تیلماقده.
