ترکیه نینگ صادراتی آرتیب کیتدی

ترک مدافعه صنایع سی, صادرات بوییچه کتته موفقیت لر قول گه کریتدی.
جاری ییل نینگ ایلک اوچ آیی ده صادرات میزانی نی ۲۰ فایزلیک بیر مقیاس ده آرتریب یوبارگن اوشبو سکتور, جاری ییل نینگ سونگگی گه قدر ۲ میلیارد دالرلیک صادرات قلیش نی هدف قلیب آلماقده.
ترکیه سونگگی پیت لر ده مدافعه صنایع سی بوییچه اوزی گه خاص محصولات تولید ایتیب باشله دی.
کیفیتی جوده یوقاری بولگن اوشبو محصولات نینگ ترکیه جمهوریتی قوراللی کوچ لری تمانیدن استفاده ایتیلیب باشله نیشی آرتیدن, خودی منه شو محصولات دنیا اردو لری تمانیدن هم ینه ده کوپراق طلب ایتیلیب باشلندی.
میلادی ۲۰۰۸ نچی ییلی ده ۶۰۰ میلیون دالر لیک مدافعه صنایع سی محصولاتی صادر ایتگن ترکیه, اوتگن ییل ده اوشبو رقم نی ۱ میلیارد ۴۰۰ میلیون گه آرتریب یوباریش گه موفق بولدی.
خودی منه شو دور نینگ اوزی ده ترکیه نینگ عمومی صادرات میزانی ۵,۶ فایز مقیاسی ده آرتیب کیتدی.