تورکیه بیلن انگلستان اورته سیده گی مناسبت لر بوییچه ینگی بیر دور باشله یدی

انگلستان نینگ انقره ایلچیسی دومینیک چیلکوت, تورکیه بیلن انگلستان اورته سیده یقینده ینگی و کینگ کولملی بیر ایرکین تجارت کیلیشووی نینگ امضاله نه دیگن لیگی نی بیلدیردی. 

اوشبو توغریده تورکیه تجارت اتاق لری بیرلیگی تامانیدن انترنت آرقه لی بیر ییغیلیش بولیب اوتدی. 

مذکور ییغیلیش گه چیلکوت دن تشقری تورکیه تجارت اتاق لری بیرلیگی نینگ باشلیغی رفعت حصارجیکلی اوغلی و انگلستان نینگ انقره سفارتی تجارت اتشه سی هم اشتراک ایتدی.

چیلکوت, اوشبو ییغیلیشده قیلگن صحبتیده, "تورکیه بیلن انگلستان اورته سیده گی مناسبت لر بوییچه ینگی بیر دور باشله یدی.  تورکیه بیلن انگلستان اورته سیده تجارت بوییچه مناسبت لرنینگ کیلگوسی ییل لر ده یوقاری پاغانه لر گه کوتریله دیگن لیگی نی اویله ماقده من.  حتی یقین کیله جکده ایککی اولکه اورته سیده کینگ کولملی بیر ایرکین تجارت کیلیشووی نینگ امضاله نیشی نینگ ممکن ایکن لیگی نی اویله یمن" دییه قید ایتدی. 

ایککی اولکه اورته سیده دسامبر آیی ده امضالنگن ایرکین تجارت کیلیشووی توغریسیده بحث ایتگن چیلکوت, خوددی شوو کیلیشوو نینگ کوچلی و کینگ کولملی بیر تجاری مناسبت اوچون شرایط یره تیب بیره دیگن لیگی نی معلوم قیلدی. 

انگلستان نینگ انقره سفارتی تجارت اتشه سی ایسه ایککی تامانلمه سرمایه گذارلیک لرنینگ کونساین آرتیب باریاتگن لیگی نی بیلدیردی.