تورک هوا یوللری لوفتهانزا دن اوتدی

تورک هوا یوللری شرکتی نینگ موفقیت لری, آلمان مطبوعاتیده اورین آلدی. 

آلمان نینگ کوپلب روزنامه لری, "اینگ یخشی هوا یوللری شرکتی" تدقیقاتیده جدی معنی ده اوز اعتباری نی قولدن بیریب قویگن آلمان نینگ لوفتهانزا شرکتی نی تنقید ایتدی.   

سکای تراکس تامانیدن 7- مراتبه ترتیب لنگن "دنیا هوا یوللری ساورین لری" اوز ایگه لری نی تاپدی. 

انگلستان پایتختی لندن ده بولیب اوتگن مراسمده, تورک هوا یوللری, "اوروپا نینگ اینگ یخشی هوا یولی", "دنیا نینگ اینگ یخشی بیزنس کلاس سرویسی" و "جنوبی اوروپا نینگ اینگ یخشی هوا یولی" ساورین لری گه سزاوار دیب تاپیلدی. 

آلمان نینگ اشپیگل روزنامه سی اوشبو خبرنی "تورک هوا یوللری, لوفتهانزا دن اوتدی" عنوانی بیلن بیردی. 

اشپیگل تورک هوا یوللری نینگ دنیا ده 7- اورین نی ایگلله گن لیگی نی بیلدیررایکن, لوفتهانزا نینگ ایسه 9- دن 15- گه توشیب کیتگن لیگی نی تنقید ایتدی.